عذراء بالمزاد 💫مكتملة💫

الجزء 76 💫

تزير قلبهااا .. ودووك المشاعر دياال الغيرة كلهم لي حااولت تخبيييهم بانو علاا وجهها ولات كترعد بالفقصة واخا هكاك مااابغاتش تبين ..
بقااات نور كاطلع فيهاا و تهبط و هدى كاتشوف فيها بي احتقار ...
نور .." حطاات يديها علاا الطبلة و شافت في هدى بي برود " شي مشكل ؟؟
هدى .. "حاولت تا هي تبرد راااسها" سمعي ... ا حبيبة ديالي جيت نقولك غير جوج كلمات و غانمشي بحالي ،،، كلشي عااارف بلي ياااسر مزوج بيك غير بزز ..
نور ..." شافت فيها بصدمة مصطنعة " وايلي !!! بصح ؟ اوا اهاه ؟؟؟ مااكنتش عاارفاها شكرا حيت قلتيها لياا ..
هدى ... " عوجات فمها وعرفاات انو نور باغيا تستفزهاا " راكي عارفة داكشي لي وقع فلول .. ماتنسااايش هو غير شرااك ... بحال شي *** ....
نور زييرات علااا يديها و الشوفة دياااالها تبدلااات ... واخا حاااولات تبقاااا مبردة .. علااات عينيها وضحكااات بزز..
نور .. وتشوفي شحااال عطا فيا يضرك خااطرك .. حتاا الا شراني ديك الليلة ب عزي اما نتي فابور الحبيبة .. وداارني مراااتو ونتي لي باقي تابعاه .. ماكتعيايش !! ...
هدى .. "عضات علاا شنايفها وهضرات تحت سنانها " لي ماعارفاهش نتي هو انا سنييييين وانا معااا ياسر ... كانبغيه و كيبغيني .. ونتي غير كيدوز بييك الوقت ... وغانرجعو بجوووج كيتسنااا غير الفرصة باااش يتفك منك ... هو بفمو قالها ليا ..
نور .."ضحكات ببرود" قالها لك بفمو ؟؟
هدى .. " تبسمات بي انتصار " اه ،، قالها ليااا منين كيجي عندي ديما كيقولها ليااا ..
ضحكات نور بشوية وهزات يديها كاترد شعرهااا لوووور ...
نور ... انا حاجة وحدة كانعرف ... ياسر راجلي انا و بالليل كيجي عندي انا ماكيمشيش عندك .. و كينعس فحضني انا ماشي فحضنك نتي .. ولا حضن شي وحدة ... " سكتات شوية و زادت " بمعنى ا حبيبة ديااالي .. هاد الهضرة ديااالك ماكاتهمنييش .. والا كااان كيجي عندك بصح ماكنتييش غاتجي تقوليها ليا .. عرفتي علاش ؟
هدى .. " تخطف لون وجهها " علاش ..
نور .. حيت كنتي نتي لي غاتكوني معااه هاد الليلة ماشي انا ... "غمزاتها " ولاكن نعدرك الغزالة الا مادايراش العز لراسك شكون غايديرو لييك ..
وجه هدى بدا كيولي حمرررر و بانت فيها مزيييرة علااا سنانهااا نور استفزااتها ... و كاتشوف راسها اطير عليييها كون ماجاتش اسيااا .. و شافت في هدى ...
آسيا ... " حطات الكيسان " هدى ! ياك لاباس ...
هدى ... " ضحكات بزز و هزات كاس د العصير " والو .. غي كنت كانتعرف علااا .... " هزات صبعها زعما كتفكر سميتها " نعمة ؟ ياك ..
آسيا ... نور .. و عارفينك عارفين سميتهاا .. بلا ماتديري راسك ماعارفاهاش ...
هدى ..." ميقاتهم " جيتو مع بعضياتكم بالمناسبة ...
مشات هدى و بقااات نور مخنزرةةةة ...
اسيا ... ماتقوووليش ليا عصباتك ؟؟؟ اتدي علاا هادي ؟
بقات نور ساكتة و ماهضراتش ... اسيا ماعارفاش شنو قالت ليها هدى ... و مابغاتش تقول ليهااا باش ماااتزيدش تعصب باراكااا غااا العافية لي. شاعلة فيييهااا هاد اللحظة
نور ... تخنقت بغيت نمشييي ...
آسياا .. صااافي بردي اصاااحبتي بقاات غير شوية و نمييشو ...

داز الوقت ثقيل علااا نور ... كل شوية كاتلقاا عينيها جاااو علا ياسر ... كيكون هو براسو كيشوفها واخا كاتبان فيه منغمس فشي حديييث ولاكن عنينيه علييهااا .. كانت كترعد بالاعصاب والفقصة ...
غير سالات الحفلة كااان قالهم ينزلو و يتسناااوه حتاا ينزل ... داااكشي لي كااان نزلات آسيااا و نور ... و بقااات نور حدا السيارة د ياسر و احمد راااجل اسيا كل سااع كيعيط ليهاا ... حتاا تعصباات
اسيااا ... نور بقاي هنا حتا يجي ياسر راه احمد كيعط .. و دايرين انا وياه غانباتو فواحد لوطيل .. " غمزاتها " صافي ؟
نور .. ههه صافي صافي غير سيري ..
اسيا ..." غادا و كاتهضر " ماتحركيييش من بلااصتك صافي !!!! وفكري كتررر في داااكشي لي قلت لك ..
مشااات اسياا و بقااات نور واااقفة ... كاتسنااا في يااسر تعطل و رجلييها ضروووها
ماعرفاتش منين بعت معاهااا واحد الراجل يكون في العمر د ياسر ولا صغر شوية ... شد يديها و شافتو غادي بيها لفمو و جراتها داااك ساااع ...
الرجل ... آنسة ...
مازاال الرااجل ماكمل حتااا هضرتووو حتاا شاافتو نووور تلااااح من قداامها ... وجا في لرض