« Jeha ឯងកំពុងធ្វើអីឯងដឹងខ្លួនទេ » Soorin
« ខ្ញុំគិតអីខ្ញុំធ្វើអីខ្ញុំចេះគិតហើយ ទើបខ្ញុំធ្វើ » Jeha ក៏ដាក់ដៃច្រត់និងទ្វាររីឯ Soorin នាងនៅពីក្រោមរបស់ Jeha ទេ កាយវិការបែបនេះធ្វើឲ្យ Soorin ភ័យសឹងស្លាប់ Jeha អោនមុខទៅរក Soorin គៀកគ្នាខ្លាំងមែនទែនរហូតដល់អាចដឹងពីក្លិនដង្ហើមរបស់គ្នាទៅវិញទៅមកបាន Soorin រុញ Jeha ចេញពីខ្លួនតូចរបស់នាងហើយរត់ចេញពីគេទៅម្ខាង
« កុំផ្ដេសផ្ដាសពេកណា Jeha ឆាប់នាំបងត្រលប់ទៅវិញភ្លាម » Soorin
« រឿងអី ដែលខ្ញុំត្រូវនាំនាងត្រលប់ទៅវិញ » Jeha និយាយស្របពេលជើងកំពុងឈានដើរទៅរកបងស្រីខ្លួនមួយៗ ប៉ុន្តែដំណើរនេះបែរជាធ្វើឲ្យក្រមុំតូចដែលជាបងស្រីខ្លួននេះវាភ័យខ្លាចទៅវិញ នាងព្យាយាមដើរថយក្រោយយឺតៗ មួយៗ តាមដំណើររបស់គេដែលដើរមករកនាង Soorin អស់ផ្លូវដែលត្រូវថយទៀតហើយព្រោះនាងថយដល់ជញ្ជាំងហើយ នាងបម្រុងនឹងរត់ចេញពីប្អូនប្រុស កាច់សាហាវរបស់ខ្លួន ប៉ុន្តែនាងយឺតជាងគេ Jeha ចាប់ដៃកដៃរបស់នាងជាប់ថែមទាំងច្របាច់ខ្លាំងៗ ទៅផង
« លែងបង Jeha » Soorin ក៏ព្យាយាមដកដៃរបស់ខ្លួនចេញពី Jeha ប៉ុន្តែវាមិនបានផលសោះ
« ចង់ទៅណា » Jeha កន្ត្រាក់ដៃរបស់គេដែលចាប់កដៃរបស់ Soorin នោះមួយទំហឹងតាមចិត្តខឹង ដែលធ្វើឲ្យសឹងតែបាក់ដៃតូចនោះហើយ
« អួយ... » Soorin ក៏ភ្លាត់សំឡេងបន្តិចព្រោះដៃមាំរបស់ ប្អូនប្រុសនាងបានច្របាច់កដៃនាងហើយកន្ត្រាក់ខ្លាំងៗ ថែមទៀត
« លែងបងទៅ Jeha បងឈឺណាស់ » Soorin ក៏សុំឲ្យ Jeha លែងដៃរបស់នាង
« រឿងអី ហេតុអី ខ្ញុំត្រូវស្ដាប់នាង ខ្ញុំមិនមែនប្អូនរបស់នាង ខ្ញុំគ្មានជាប់សាច់ឈាមជាមួយនាងទេ » Jeha ក៏ស្រែកគំហកដាក់ Soorin
« ម៉េចក៏ឯងនិយាយចឹង ឯងស្អប់បងខ្លាំងណាស់មែន តើហេតុអី បងខុសអី ហើយបងទៅធ្វើអីឯងហាស » Soorin សួរ Jeha ទាំងរលីងរលោងទឹកភ្នែក
« នាងធ្វើស្អី ដឹងខ្លួនឯងច្បាស់ហើយ នាងដណ្ដើមគ្រប់យ៉ាងពីខ្ញុំអស់ហើយ ទាំងដែលនាងមិនមានជាប់សាច់ឈាមជាមួយគ្រួសារខ្ញុំ » Jeha
YOU ARE READING
រឿង បងស្រីសម្អប់
Teen FictionKim Soorin Kim Jeha នាងមិនមែនបងស្រីខ្ញុំទេ!!ឈប់តាំងខ្លួនឯងជាបងស្រីរបស់ខ្ញុំទៀតខ្ញុំគ្មានបងខ្ញុំគឺជាកូនទោលក្នុងគ្រួសារនេះតែម្នាក់គត់ នាងគឺក្លែងក្លាយខ្ញុំស្អប់នាងស្អប់ខ្ពើមនាងខ្លាំងណាស់
