« លោកឯងមុខក្រាស់ជាងអ្វីទៅទៀត ខ្ញុំមិនដែលជួបប្រទះសោះ » Fanbii ជ្រេញនឹងទ្រឹស្តីរបស់ Jihak ខ្លាំងណាស់ ចេញមកសុទ្ធតែស្នេហា គ្មានអ្វីមានប្រយោជន៍សោះ
« ខ្ញុំមុខក្រាស់!? មុខក្រាស់ដោយសារនាង » Jihak ងាកមកសម្លឹងមើលមុខរបស់ Fanbii ដែលនាងបែរទៅជំហៀង
« ល្អតើ! ខ្ញុំតែងតែផ្ដល់ឪកាសឲ្យគេម្ដងរហូតក្នុងមួយឆាកជីវិត លោកក៏ដូចគ្នា ប៉ុន្តែខ្ញុំប្រមានគ្មានអ្វីដែលហួសព្រំដែនទេ » Fanbii និយាយចប់ក៏ដើរគេចចេញពី Jihak គេក៏ញញឹមយ៉ាងពេញចិត្តចំពោះនាង
នៅប៊ូសាន
“ តុក..តុក ”
ខណៈ Soorin កំពុងតែធ្វើម្ហូបក៏ឮសំឡេងអ្នកគោះទ្វារ ទើបសម្រេចចិត្តទុកបន្លែមួយឡែកសិន នាំខ្លួនទៅបើកទ្វារ
“ ក្រាក ”
គ្រាន់តែបើកឃើញភ្លាម នាងក្រមុំ Soorin រាងគាំងបន្តិចពេលឃើញមុខអ្នកដែលគោះ បម្រុងនឹងទាញទ្វារមកបិទ ប៉ុន្តែក៏ត្រូវឈប់ដោយសារតែត្រូវដៃមាំមកទប់ទ្វារ
« ឈប់សិន Soorin » Jeha ប្រញាប់ឃាត់ Soorin យ៉ាងលឿន
« លែងដៃភ្លាមទៅ » Soorin ធ្វើទឹកមុខមាំមិនលលេងជាមួយ Jeha ឡើយ
« ស្ដាប់បងសិនបានទេ » Jeha ប្ដូរពីឃាំងទ្វារមកចាប់កដៃរបស់ Soorin វិញ
« គ្មានអ្វីត្រូវស្ដាប់ទេ ហេតុអ្វីក៏លោកស្គាល់ផ្ទះរបស់ខ្ញុំ » Soorin ភ្ញាក់ផ្អើលភ្លាមពេលនឹកឃើញថា Jeha មករកនាងដល់ផ្ទះបែបនេះ
« រកទីតាំងរបស់អូនមិនពិបាកឡើយ » Jeha នៅនិទាឃទាំងទឹកមុខសោកសៅ
« អត់ប្រយោជន៍ ចេញទៅផ្ទះខ្ញុំមិនស្វាគមន៍មនុស្សដូចជាលោកទេ » Soorin ក្រវាសដៃរបស់ Jeha ចេញ
« អត់ទេ Soorin បងមិនទៅណាឡើយ តតែអូនយល់ព្រមស្ដាប់បងបកស្រាយរឿងគ្រប់យ៉ាង » Jeha នៅតែចចេសមិនចេញទៅ
« ល្អ បើមិនចេញទេក៏អត់ទៅ មេឃជិតភ្លៀងហើយ បើលោកនៅមានតែទទឹកខ្លួនទេ » Soorin និយាយចប់ក៏បិទទ្វារទៅ ដោយដាច់ចិត្តឲ្យ Jeha នៅខាងក្រៅម្នាក់ឯង មេឃចាប់ផ្តើមមានផ្គរលាន់ និងធ្លាក់ភ្លៀងមកយ៉ាងខ្លាំង ប៉ុន្តែវាមិនបានរារាំង Jeha ឡើយ គេនៅតែឈរនៅខាងមុខផ្ទះរបស់ Soorin ដដែល
YOU ARE READING
រឿង បងស្រីសម្អប់
Teen FictionKim Soorin Kim Jeha នាងមិនមែនបងស្រីខ្ញុំទេ!!ឈប់តាំងខ្លួនឯងជាបងស្រីរបស់ខ្ញុំទៀតខ្ញុំគ្មានបងខ្ញុំគឺជាកូនទោលក្នុងគ្រួសារនេះតែម្នាក់គត់ នាងគឺក្លែងក្លាយខ្ញុំស្អប់នាងស្អប់ខ្ពើមនាងខ្លាំងណាស់
