الحب مايشاور😂❤الجزء 1
بقلمي: وفاء السمري
قاالك لابغيت الزين سير لبني مسكين..فيه البنت زيينة ومكحلة العين..والخلخال فالرجلين..الفن والزين من عند رب العالمين(تحية لبنات بني مسكين😂)
..فوحدة من المنازل القديمة فهاد الدواار..لي أكيد كيتميز بالطابع التراثي التقليدي لا ففراشو ولا فزخارفو..خرجات من العتبة ديال الباب...بنت فالعشرينات من عمرها...زينها مسراار ..العوينات مجبدين والحناك مطبزين حمرين واحد البرائة فوجهها سبحان الخالق. ..بيضة كتتلمع واخا لباسها على قد الحال. ..بسيط وعاادي والفولار على راسها مغطي شعرها المارو....ولكن ديك البساطة هي لي مخلياها تبان فحال شي بنوتة صغيرة حاشا واش تقول عندها عشرين والزيادة...خرجات حانية راسها تالبرا وهي توقف تتشوف فالجو شوية باقي مضبب كتسرح عويناتها فالخلاوات والضرك فالجناب...الشجر عالي دالزيتون والشميسة مازال عاد كتطلع. ... هازا حاجبها تتشوف فالبهيمة مكيناش وهي ترجع تدخل لدار مقندشة..
سكينة: وهيا عمي واه وااا عمي..(بقات طالقا حلوقها تا هضر واحد الصوت من قاع الدار)
العم(عبد الحق):يا تي مالك تهرنطي عليا كي الحمار ياك شي باس مكاين
سكينة:وا لحمار ملقيتوش
عبد الحق:(جا يجري ويعكز مخرج فيها عينيه)عاود عاودش تي فين لبهيمة ياك كلت لك كيديها مزيان كلا فكت الرباط وتسيبت فالليل يا بن الدحشة لخرا
سكينة:وا عمي راه كيدت الحمارة وزايدون ديك حمارة وها متكيدها متمهربش هي تا مشيا مكتقد.تمشا عند بالك بغلة الحاج حومان..باينة مخروها ولاد حرام
عبد الحق:(هز ايدو فوق جبهتو تيقشع على المدى البعيد واش تبان ليه والو) ياوشكون زايد علينا فدوار
سكينة:(حطت ايدها على سبنيتها لي تتزلق ليها مع شعرها رطب) غنمشي لدرسة ليكونو جامعينهم تماا بهيمتنا متخفاش علياا
عبد الحق: تسناي عليا هاني جاي (دخل يجيب جلابيتو وهو تيدور غير بتريكو وسروال قندريسي خرج فجلابيتو فدراعو تيقاد فالرزة ) زيدي قدامي نشوفو فين هد لبهيمة
..اوا يا سيادي بقاو غادين وسط الجنانات ويدورو من درسة لدرسة فينما وقفو يقلبو لحمير على بوصابح تا وقفو فدرسة المقدم مربوطين تما لحمير باش غي يطلع النهار يبداو يدرسو فالقاعة..(عملية الدرس تتم عن طريق الدواب لي تيتربطو وتيبقاو يدورو على حفرة مغارقاش بزاف بشكل حلقة مستف فيها القمح لي قطعوه ولاحوه تما حتا تيتفرز الحب على القش تم تيبداو يدريو فيه اي تيهزوه لفوق باش الحب يطيح نيشان والقش يطير لجهة معينة وهاد العملية ميمكن تم الا بفعل الرياح) لقاو لحمارة تاعهم مربوطة تما وهي تمشي ليها تتقلب فيها وتنكر عليها كي لهبيلة
سكينة: يافين مشيتي يا الدحشة مبقيتيش تحشمي ابنت الحرام
عبد الحق:زيدي تحركي ياديك لهبيلة زيدي كداامي وجري معاك البغلة ا البغلة
سكينة:واخا اعممي
أنت تقرأ
القلب ومايشاور❤️مكتملة❤️
Romance💎مكتملة💎 ❌حصرية على الواتباد❌ 🌟القلب و مايشاور 🌟 🌟رمضان كرييم على جمييع المسلميين 🌟 🕯ايوا كيقولو ناس زمان " القلب مايشور " كانو المغاربة الحرار و الرجالة الكبار لي بشلاغمهم لابغاو مرة الدااار لي تصونهم و تصون عراضهم مايقربوش لبنت المدينة و ل...
