القلب ومايشاور❤️مكتملة❤️

❤️الجزء 65❤️

القلب مايشاور⁦❤️⁩🤣الحزء65
عويشة:ويلي على ولد كرشي قالاه عرس...غاديين نخطبوو لييك
آدم حدو هز فيها عينيه بواحد النضرة ديال كتضحكي عليا:الواليدة ياكما فيك السخانة
عويشة:معطي هضر مع ولدك انا راه خرج ليا القوق فراسي
آدم:وامي واش كتدوخي عليا شمن قوق ولا سفرجل..
معطي:منك ليه اعويشة نتي لي كتطيري
عويشة شافت مامعاهمش السلاك وبدات تمسكن (فحالها فحال عبد الحق عجينة وحدة شاكة عندهم عرق واحد):ياك ياك...ضرتو فيا دابة غير حيت باغة نفرح بوليدي حبيبي بوحدو لي عندي باغة نفرح ليه ونعرس ليه ونهز وليداتو بين يديا قبل مايدي مول الأمانة امانتو
آدم:وا الواليدة...
عويشة قاطعاتو:صافي صافي عارفة مامنحقيش نفرح...تزوج بديك عضيم الطيو ديال صوفيا ونسااني علييك...نسا راني مك
وتمات غادا راجعة ومتقلة فالمشية..آدم مسح على وجهو وعيط ليها
ادم:صافي اميمتي ميكون غير خاطرك...زيدي نشوفو هاد الزعلوك فين غيوصل
عويشة رجعات عندو فرحاانة دغيا طارو الدموع:سير بدل حالتك وهبط دغيا باش منتعطلوش على الناس
طلع لبيتو بدل عليه وتيليفونو كيصوني بطبيعة الحال ديك صوفيا وجه الصوفة كيقطع عليها فاللخر بلوكاها وهبط
ركوب فاللول و وكسيرا
عويشة:ولاهيلا بنت النااس تعجبك كلشي فيها زيين مغتندمش عليها حقمونانا...بنتي سكينة الله يرضي عليها هي لي تليق ليك واخا نتا جلاخة عليها متسوااش...ايه مالك تشوف فيا راك ولدي وتربية يدي