القلب ومايشاور❤️مكتملة❤️

❤️الجزء 20❤️

القلب مايشاور😂⁦❤️⁩الحزء20
بقلمي:#وفاء_السمري
غاديا وتتجنب من الغيس خافت لاتوسخ صباطها ولا توسخ جلابيتها دازت من حدا دار ديال خديديج اتا سمعت سميتها عرفاتها خديديج هزات راسها لقاتها تطل من شرجم وشعرها واقف
خدوج:ابنت عمي افبن غادا وشعر مسبسب كحل وطاي مع جلابة اممم
سكينة: ءءء راه غادا عند خالتي عيشة نعاونها من بعد او نعودليك ماشي دبا راه زربانة
خدوج عرفاتها على داك دري تيتيز حيت فايتة معاودا ليها قبل:وابلاتي تسناي تسناي انا هابطة
سكينة:واخلاص راه تعطلت بقات تتسنا تاشافت لباب تحل وخدوج هازا فيديها شي حاجة
خدوج: تعالي تعالي قبل ميشوفنا شي حد وتتشوف وتلفت فجنابها لايكون شي حد حاضيهم كانت هازا واحد لماسكارا وعكر شوي حمر وكحل وفاراجو
سكينة: اويلي تي داك لماكياج هاو لا لا اويلي
خدوج: تي تعاالي قالا اويلي جراتها دخلاتها لعتبة وبدات تتصاوب ليها تاكملات دارت ليها ريسيل شي لي خلا شفارها لكحلين طوال ايبنو عينيها كيحمقو ودارت ليها عكر حمر قواتو ليها شوي (الا شافو ادم ايبوسها بلا هواه) وفاراجو ولكحل مقواتش ليها بزاف بان بحال القمل تحت عينيها
خدوج: جيتي فنة ياختي اه نسيت بلاتي مشات دخلات لداخل وجابت ليها كلينينكس او شوي دفازلين: شوفي هادو فاش تكوني راجعة مسحي وجهك راه فازلين هي لي كنمسح بيها فاش تنكون باغا نحيد هاد الماكياج
سكينة: صافي واخا انا غنمشي ديا فاش نكون راجعة انعود ندوز عليك دوزي بيخير راني تعطلت..
مشات تتجري وهازا جلابة لاطيح حتى وصلات تتنهج سرسرات فلباب كيما ديما وجاوباتها عايشة
سكينة:هادي انا اخالتي كاليا عمي نجي نعاونك حيت كاينة غاوحدك
عايشة: واها ابنيتي ربي اخليك تفك لباب غاوحدو ودخلات لداخل تسالمت مع عويشة وحايدات زيف وخلات شعرها طويل لي فايت طغيمتها(احم) كحل كي لحرير طايح ليها على وجها عويشة الله بغات دور وهي تلقا كتلة من الجمال ومع الماكياج زاد زينها بانت فحال شي عارضة بالجلابة المغربية واقفة تتلبس فطابلية باش توجد او مع جلابة الايفازي حمقاتها وليوما حلفت هادي لي تكون لولدها خاصها غا تقولها لشي لمعطي ويتوكلو عالله
عايشة: انا ابنيتي نمشي نحط هاد لحليوات ولبغرير لي كنتي جبتي ليا صباح مكلناهمش حيت واكنا فطرنا ناكلهم دبا بعد نعطي على ادم والمعطي ككلي ابنيتي تصاوبيت اتاي بنعناع مشحر طفات عليه لبوطا وحطات الكيسان لي كانو مزوقين ديال فاس او لبراد حطاتهم فصينية ومشات غادل لصالة فين كانو مجموعين.....