القلب ومايشاور❤️مكتملة❤️

❤️الجزء 43❤️

القلب ما يشاور 😂⁦❤️⁩ الجزء43
حناكها حماارو بالسخونية وجامعة واحد التخنزيرة فوجها دابة كتقول غتلاح تجمع طباسلهم جملة (علاش الله واعلم)....خرجات عندها خدوج فيديها تاهيا المواس والقطبان هادي باغة غا ايمتا ياكلو
سكينة:خدوج الله يرضي عليك غتمشي لخيمة سي المعطي وتعيطي ليه هو وخالتي عويشة يااكلو معانا الشوا
خدوج:هي لي متعاودش ابنت خويلتي
وحطات داكشي لي فيديها وضرباتها بجرية لدار سي المعطي آدم كمل معاهم داكشي وهو كيشوف داكشي لي وسط الحولي وخشا يدو يجبد داكشي....الراجل حرش ماغيعيفوش هادشي....ماجا فين يدور حتى لقا سكينة شادة بانيو فيديها ملقياه ليه يحط فيه داكشي...كتشوف فالبانيو وتطلع عويناتها فيه وترجع تهبطهم...طلعها وهبطها وهي مكفضة زعما راه خدامة من نيتها... لا ركزنا ركزنا مزيااان غتبان ليكم واحد الرشيشة ديال الابتسامة ففموو... (علاش؟ تاهادي الله واعلم 😁)