القلب ومايشاور❤️مكتملة❤️

❤️الجزء 33❤️

القلب مايشاور😂 ❤ الجزء33
بقلمي : #وفاء_السمري
كمل ماكلتو وناض غسل يدو
عبد الحق:هااني غادي عند حمو ماتخرجي فين
سكينة:غنمشي لخيمة سي المعطي بغيت خالتي عويشة فشي حاجة
عبد الحق:واخا وماتعطلييش..تفوتي الستة نبيتك برا
يالاه كيف خرج مع الباب وهي ضاارت بفرررحة عند القصرية لي باقي فيها وهو يرجع يدخل هو القصرية
عبد الحق:والله لا دقتيها...غنتعشا بيها
ودخلها لبيتو وسورتو وهي متبعاه بعينيها قربات تبكي
خرج وهي غسلات الماعن وتنگر مفقوصة....تخشات فجلابتها وفولارها على راسها وخرجات قاصدة دار المعطي...
مسافة الطريق وصلات وهزات يديها تاني خباااط خباااط فالباب...تحل الباب على غفلة كانت عويشة ومع سكينة مازال كتخبط فالباب جابت ليها تصرفيقة فالوجه.... عويشة مسكينة ماعرفت باش تبلات عينيها خرجو وسكينة حلات فمها وبدات ترعد عليها
سكينة:والله اخاالتي مادرتها بلعااني حق لي ليه لحق...بغيت ليا دجاجة مقلية وخنشة الفريت مادرتها بلعاني
عويشة شادة على وجهها كتبرد الضربة وبدات كتحاول تضحك: ماشي مشكيل ابنتي ماشي مشكيل...زيدي دخلي مرحبا
دخلتها وسكينة تحلف وتعاود مادارتها بلعاني
عويشة:ماديريش فبالك ابنتي نساي الغلط كيوقع...جلسي جلسي
جلسو فالصالون...
سكينة:كاين سي آدم
عويشة عينيها خرجو قادات الجلسة وفرنسات ليها:كاين كاين...ولاش بغيتيه ابنتي
سكينة قربات عندها تاهيا:كيشتي دابة البارح ياكي....فاش خرجت من هنا ياكي....تعرض ليا واحد الشمكاار قالك بغا يتعدا عليا ياكي (عويشة شهقت عينيها خارجين) ولكن ولدك آدم عتقني ياكي وانا بغيت نشكرو ياكي...و ووو صافي