القلب مايشاور 😂❤️الجزء68
داز داك النهار وجا نهار جديد...ناضت سكينة كيف عادتها الشقا والطياب...فطرو وسالاو
عبد الحق:عيطات خالتك عويشة....غتدوز عندك هيا وآدم باش تمشيو تشيريو داكشي لي خاصك....
سكينة : واخا
ناضت ردات الغدا لعمها دغيا ولبسات عليها جلابة بشالها وبليغة والسر طايح عليها ديما.. جلسات كتسنا حتى سمعات صوت الطوموبيل....
عبد الحق:يالاه سيري ونقصي الطيراان تبتي عارفك فلييفلة..
سكينة:كون هاني اعمي
خرجات عندهم كتقاد فشالها كانت عويشة ولقفة برا...بدا السلام من هاد الحنك للحنك لاخر وداكشي بزربة ويهضرو ويتسالمو محبسوش فحالا منعرف من ايمتا متشاوفو...عاد هزات راسها فآدم فبلاصة السائق كان كيشوف فيها بتاسمات ليه وحتى هو ردها ليها عحباتو بالجلابة جات زوينة وماعرف منين جابت هاد الصواب كامل
طلعات عويشة لقدام وسكينة لور وكسيرا بيهم آدم
الطريق كلها وهوما دودودودو ماسكتوش فرعو لآدم راسو ولكن مهضرش خلاهم على خاطرهم...جبد ديال الطريق وصلو للمديينة...سكينة ملصقة راسها مع الزاج وحاالة فمها عمرها جات لييهاا داكشي غريب علييها
حسات بالطوموبيل وقفات وهي كتشوف راسها قدام شارع عااامر ماكازات ومحلات....هبط آدم وعويشة وخرجات حتى هي كتدور فراسها وتشوف فهادشي جاوها فشكاال...
عويشة:يالاه ابنتي
شدات فيها وتمو غادين وسكينة حاضرة البنات لي لبسهم مزيير وقصير والشعر طالقينو والماكيااج مطلي فالوجه
أنت تقرأ
القلب ومايشاور❤️مكتملة❤️
Romance💎مكتملة💎 ❌حصرية على الواتباد❌ 🌟القلب و مايشاور 🌟 🌟رمضان كرييم على جمييع المسلميين 🌟 🕯ايوا كيقولو ناس زمان " القلب مايشور " كانو المغاربة الحرار و الرجالة الكبار لي بشلاغمهم لابغاو مرة الدااار لي تصونهم و تصون عراضهم مايقربوش لبنت المدينة و ل...
