القلب ومايشاور❤️مكتملة❤️

❤️الجزء 19❤️

القلب مايشاور😂⁦❤️⁩الجزء19
بقلمي:#وفاء السمري
بقات غاديا وضحك غاوحدها لي داز من حداها ايصحابها غاحمقة حتى وصلات لدار رااشقة ليها حايدات زيفها وجلابيتها ومشات لكوزينة طيب لغذا راه وصاها العم لاتصدق تاني ناسيا ويسمعها الهضرة دارت طاجين وحطاتو على البوطة تاطاب ومشات شعلات واحد تليفيزة صغيرة دازت عليها الحرب العالمية محطوطة فلبيت ديال عم مرة مرة تيشعلها مكتبغيش تخدم شدات الاخبار فدوزام ومشات طفات على طاجين بينما جا العم جمعات دار وخملاتها حتى سمعات لباب تفك وهب تهز ديك لغديوة وداتها حطاتها فوق طبلة
العم: تي لاش تتشعلي ديك تلفازة شكون قالها ليك
سكينة: واالا راه غير بغيت نشوف الاخبار مدرت تاحاجة
عبدالحق: صافي صافي نمشي نغسل ايدي ونجي نتغذا مشا لطواليت غسل ايدو فواحد القادوس كلو خاصر وعوج ولحيوطة غملو من كثرة شتا لي كانت تطيح مشا وكلس وبدا ياكل
عبدالحق:اش درتي ديتي ديتي لبيجامة لماليهم
سكينة: اه ديتها وعطيتها لخالتي
العم: واهكاك فلعشية اتمشي تخدمي عندهم راه سي المعطي بغا لي تعونو فمراتو
سكينة:واخا اعمي... كملو غذاهم مشات غسلات الماعن ومشات تنعس شوي بينما مشات لخدمة حتى عاود طاح فبالها ادم متنكرش انها حمقا وتيعجبها زين وولاد لمدينة ماشي بحاال لخماميس تاع العروبية اكل واحد مخنن حتى داها نعاس ماحلات عينيها غاعلا العم كينوض فيها
عبدالحق: اهياا هاو تي نوضي خلاص سيري عند سي المعطي راه تعطلتي ونتي غاخامرة
ناضت سكينة مشات دارت واحد جلابة زوينة عمرها لبساتها دايراها غير لشي عرس فلعروبية لاكان عندهم كانت مطروزة بشكل زوين وتافصالتها ايفازي بينت ليها طايتها صداع وصدر وظغيمة(احم استغر الله) ودارت شالها لي كان قريب لون جلابة ودرات واحد صبيبيط مكانتش تتلبسو بزاف ومشات باش تعلم عمها بلي غتخرج لقاتو تاني شاد داك راديو ويضرب فيه باش اخدم
سكينة: عمي هانا غادية
عبدالحق: ومالك لابسة ديك جلابة هاو
سكينة: علاش مالها
عبدالحق: والعجب كنتي تتلبسيها غاافشي عرس ابنيتي
سكينة: لا لا غير كلت لبسها وصافي مهم انا غادا... مشات خرجات حمدات الله تفكات منو حيت معاقش بيها.....