القلب ومايشاور❤️مكتملة❤️

❤️الجزء 21❤️

القلب مايشاور 😂⁦❤️⁩الحزء21
بقلمي :وفاء_السمري
عند ادم لي كان كالس كيهضر مع باه على احوال الخدمة لي فكازا حتى ضور وجهو شحطو بحال ضو بقا مصدوم فيها حس بقلبو لي كيضرب اما عند سكينة لي حطات اتاي وبدات غادا
عايشة: فين غادا ابنتي
سكينة: ءء غادا لكوزينة نخليكم تاكلو على راحتكم
المعطي:اويلي ابيتي تعالي تكلسي قالا نتي راه بحال بنتي وراه ربي شاهد كلسي تاكلي بعد
سكينة لي وجها قاصح مشات كلسات حدا عايشة وكضحك حيت عرفات كيفاش تخليها قريبة لادم اما هو باقي محيدش عينيو عليها بقا تيشوف ففمها لي غير ديال البوسان حتا عيط عليه باه
المعطي: ادم وادم
ادم عاد عاق براسو وحنحن: شكنا كنقولو على الخدمة الواليد
المعطي: دبا كول من بعد او نهضرو فيه
ادم: لاكولو غابصحتكم انا غنطلع لفوق بغيت نخرج ندير سبور مشا طلع لفوق او سكينة تبعاتو تاطلع
عايشة: بنيتي كي كيجيك ادم
سكينة: ءء كيفاش اخالتي
عايشة: زعما ابنتي باقا مكملت هضرتها وهو يقطعهم المعطي
المعطي: عايشة خلب عليك لبنت تاكل شهاد لهضرة
عايشة: واخا هانا ساكتة... سكينة بقات تتاكل حتى شبعات ونضات هزات داكشي داتو لكوزينة تغسل لماعن وهي تلقا جوج خدامات واقفين تيهضرو شافوها او خنزرو
سكينة: مالك تتشوفو فيا هاكاك
الخدامة لولا: حطي داكشي وسيري
سكينة: بشوي عليك شفتك غاطرطكي هانا نيت فكيتيني
الخدامة التانية:امم نتي كتخدمي هناا
سكينة: ماش شغلك ضحكة ليهم ضحكة صفرة ومشات تتعوج
الخدامة لولا:شفتيها كي كتعوج بداك ربع لحم لي عندها(ربع لحم😂 ياكما تحيد لبك جلابة تشوفي منيتك)
الخدامة تانية: احساب ليها راسها شي حاجة.... سكينة لي مشات باش تعلمهم بلي خاصها تمسي توجد لعشا لعمها
سكينة:خالتي خاصني دبا نمشي عمي كيتسناني باش نصب لغذا
عايشة:واخا ابنتي تسناي بعد مشات لكوزينة جبدات لكريب كانو كيصاوبو فيه لخدامات وشي حليوات مزينين تعشقي غاتبقاي تشوفي فيها داتهم عطاتهم ليها واخا مابغاتش شداتهم بزز حشومة تردهم ليها فوجهة مشات سلمات على الحاج المعطي او على عويشة او خرجات غادا وتزرب حيت تعطلات باش تنصب لغذا تفكرتا راه خاصها تمسح الماكياج جبدات داك كلينيكس او شوي دفازلين او مسحات وجها من غير فمها لي بقا ليها شوي حمر ومنفوخ حتى وصلاات حدا دار عويشة لقاتها تاتي تطل من شرجم
خدوج: واسكينة شوفي زربي كبيلة راه شفت عمك كان دايز مع واحد راجل غادبن لدار
سكينة: ويلي كحلتها مهم صافي هاما غادا من بعد او نتلاقاو... مشات تتزرب فخطاويها باش توصل خلاص حتى كيبات ليها ادم لابس سبور او كيحمق بدوك ليزابدو وداير ليكيت فودنيه او كيجري مشات تتجري مابغاتوش اشوفها بحال هاكا وتهز فجلابيتها لي كتعكلها حتى وصلات لدار....