القلب ومايشاور❤️مكتملة❤️

❤️الجزء 42❤️

القلب ما يشاور 😂⁦❤️⁩ الحزء42
سكينة شافتو هاكاك ومع حيد تجاكيطة بقا غير بواحد تيشورط كحل حلات فيه فمها... البنت تبلووكات كتشوف فالرجولة والعضلات ديال درااعو خبطة وحدة لحولي كتسيفطو لجيهة أخرى....وعاد ديك التخنزيرة فوجهو... سهات كتخايل راسها طالعة فالعمارية وهو حداها وكيعري ليها راسها من الفوال يالاه غي بوس ليها راسها وهي تقفز واحد العيطة
الجارة:سووكااينة
دارت مشكوضرة عندها لقاتها بنت جارتهم مينة كطل من الشرجم كيبانو غاعينيها ورا الخمية
مينة:يااكما نعاونكم فشي حاجة
سكينة:لاا غاشوكرا اخيتي ماخاصنا معاوانا
مينة:ومالك اختي كتنهضي فيا انا هضرت غا من جاانيب الايسانية (الإنسانية)
كتهضر وعينيها تضورها عند آدم...قشعتها سكينة وهي تخنزر فيها...
سكينة:ايساسيتك (انسانيتك) خلي عندك (غتاصبو اللغة)
مينة ميقات فيها:واخلي ليا معاك غاشنيتيفة داللحم
سكينة:ميينة دخلي لدااركم قبل مانتقاس عليك من الشرجم
دخلات مينة كتنگر وسكينة طلعات عينيها كيبان ليها بزاف دالعينين من الشراجم والبيبان كيطلو على سيهم آدم والبنات خيطي بيطي تما