القلب ومايشاور❤️مكتملة❤️

❤️الجزء 67❤️

القلب مايشاور😂⁦❤️⁩الجزء67
هزات السينية داتاي تما وتمات خارجة عندهم...عويشة شافتها وبدات تصلي على النبي والمعطي مبتاسم تاهوا فرحان ليها اما سي عريس الغفلة شاد التيليفون ماهواش هنا
عويشة:هاا بنيتي جااات
مع ديك جات مع هز آدم عينيه تما وحلو...كيطلعها ويهبط وهي مهبط راسها والسينية فيديها جاية كتقرب تطلع عينيها فيهم وترجع تهبطهم...كيجي معاها البلدي بزاف. ..كانت لابسة قفيطين خفيف بلا حزام فالبيض والدوغي كيبري وشريبيل فرجليها...طالقة شعرها وضروري الفولار على راسها
عويشة كتهز راسها بأه:تلى قبلتو علينا. ..بنتك هي بنتي اسي عبد الحق وربي شاهد..راه معتابراها البنت لي ماولداتهاش كرشي...غتعييش فالعز وولدي يحطها فوق راسو
عبد الحق:ايه مرحبا مرحبا...هادشي واضح من وجوهكم ماشي داللعب باين فيكم الناس ديال الدار الكبيرة...انا من عندي مانزيدكم غير الخير والاحسان...والولد شكيقول
شافو فيه وهو ماعرف مايقول ماعندوش مع الصواب
آدم:ماحدها معايا ماتخافش اسي عبد الحق غنحطها فعينيا
سكينة الرعدة شاداها وفرحانة والحشمة كلشي تخلط عليها
عبد الحق:ايه كيبقا الرأي دالبنت...سكينة شنو قلتي ابنتي
سكينة هزات فيهم عينيها ورجعات هبطاتهم مبتاسمة بحشمة
معطي:السكوت علامة الرضا...هزو يديكم نقراو الفاتحة
قراو الفاتحة وخدوج كتضحك وتنغز فسكينة
ناضو حطو الغدا تغداو وناضو باش يمشيو فحالهم
سلمو عليهم وخرجو مشاو...شوية جا واحد جوج الرجال هازين كادواات وشحال من حاجة حطوهم ليهم
الراجل 1:هادو كادوات من عند سي آدم للانسة سكينة
عبد الحق عينيه قلوبة:اييه الله يرضي علييه
خلاهم خرجو وجلسو بتلاتة سكينة وعبد الحق وحتى خدوج معاهم يشرگو فداكشي ماعندهمش النظام...كاين غير الكادوات الزااز وداكشي كلااص وفيه حتى شي تويشيات تقليدية بطبيعة الحال عويشة لي شارياهم...