القلب ومايشاور❤️مكتملة❤️

❤️الجزء 54❤️

القلب ما يشاور😂⁦❤️⁩الجزء54
كلهم زوينات الصراحة زينهم ديال البلااد
نبيلة:سكينة فيين غاابرة مابقيتيش تخرجي تجمعي معانا كي شحال هادي
سكينة كتصبن وتهضر:والو اخيتي غير الشغل ديال الدار ومقابلة عمي
سعاد:شفت عمك قبيلة فالحانوت هو وكلتوم
سكينة طلعت فيها عينيها:شكون كتلوم
سعاد:كتلوم مرات رابح الله يرحمو....لي باها عندو الجنانات دالكرموص فأرض بوشعيب لي عاد طلق مراتو الرابعة وتزوج مليكة لي دايرة فحال الشينوية و....
سكينة قاطعتها:عرففتها عرفتها...طلقيني مالها
سعاد:ياخويتي ماكدبت عليك كنت غير حداهم بيت نشري الخبز وانا نسمعو كيقول ليها عليا بليمين متخلصي شي ريال انا نخلص ليك التقنية ونوصلها حتال باب خيمتك وجلس يفرنس ليها حقمولانا الحبيب لا هنا سكينة وقفات ليها عينيها خارجين:شناهوا؟؟ عمي ماايعطيني تاباش نشري طووفيطة يخلص على ديك مطوطة الحشون التقدية؟ ليووم للخرا لييييهاا تدور ليا بعمي بنت الحراام لاما مرمدتها ماسميتيش سكينة
ناضت التالتة شداتها سميتها نجاة:تهدني اصحايبتي دابة تلسق فيك شي مونتيف....كملي غي صابونك بعدا
رجعات تكمل فتصبانها وعاقداهم:الحمارة لي ولدااتهاا...خانزة الرجلين بأن ليها غير عمي فالبلان...وتاهوا لاهلا بقات فييه
نبيلة:ايه بنت الحرام خاصها شي نتفة
سكينة:هيااا لي غنعطيها لييهااا بن الخوينزة لاخرا
وكمل و شغلهم كيهضرو ويخبرو
آدم خرج من دارهم وطلق رجليه يتسركل شوية...غادي ويضور حتى وصل للغابة الصغيرة....جبد كارو كيكمي ووقف خدا واحد الشجرة شاد التيليفون...حتى كيسمع الهضرة... دور راسو مابان ليه حد ورجع هبط راسو كيكمي والفون فيدو...الهضرة مابغاتش تقادا ضراتو فرااسو وهو جاي يتهيأ من الصداع زعما...دور راسو فواحد الجيهة وهوما يبانو ليه شي بنات حدا داك الوااد كيصبنو...تاهوا عجبو المنضر دالواد وقال يمشي ليه ويبعد عليهم....مادار غير جيهة سكينة حيت هي من الجيهة لاخرا بعيدة على البنات شوية ومابانتش ليه فاللول كانت مغطية بشجرة