القلب ومايشاور❤️مكتملة❤️

❤️الجزء 40❤️

القلب مايشاور😂⁦❤️⁩الحزء40
بقلمي :#وفاء_السمري
جرة وحدة ماحسات حتى تخبطت مع شي صدر قاااصح وياخوتي الدرية ناقصة حنان تكنزت فيه مازال مصدومة شوية ويدخل فيها الحولي...كارزة عليه بيديها كمشات ليه حوايجو وهو مخنزر وشادها عندو...
طلعات فيه عينيها كتقفقف غتبول فسروالها وبدات تبكي
سكينة: ك ك كان غا غيدخل فيا...كنت غنترزا فشبااابيي وياامي ونمووت صغيرة مازال ماشفت ماتشوفت
آدم:ششش تهدني ماوقع ليك والو دابة....باراكة من البكا هي عاد مازادت كتبكي وتمسح فعويناتها ونيفها لي ولا حممر...هز ليها راسها باش يمسح ليها عينيها هاديك هي وقفتو. ..تبلوكا فبلاصتو وعينيه وحلو فوجهها وتقاسيمو...كيدوز عينيه على عينيها ونيفها وحناكها...جمالها طبيعي...اما العيالات حطو فولاراتهم على فمهم كيولولو ورجال قلبو وجهاهم ودخلو فحالهم....ديك التعنيقة فحد داتها عييب...اما واحد خالها جالس على واحد الحجرة شاد جنبو ويتفرج فيهم حاال فمو....آدم بعدما كان ساهي فيها جمع راسو حيد يدو من خصرها وبعد عليها كيحنحن...هي عاد ردات البال لراسها وبدات تولول تحت نيفها وضرباتها بجرية لدارهم...ناض عبد الحق عند آدم وشي دراري هزو الحولي كينفخو ويعلقو وداكشي...
عبد الحق:الله يرضي عليك اوليدي كونما نتا كون البرهوشة فعدااد الموتى..عتقتييهاا الله يسهل عليك
آدم:ماشي مشكيل...(عطاه البسطام) هادا ديالها....غنمشي دابة بسلامة عليكم
عبد الحق شنق عليه من يدو:ا والله لاامشييتيهاا حتى تاااكل معانا الشواا
آدم:لا غير بالصحة خاصني نمشي
عبد الحق:حلللفت مااتمشيي متردهااش فوجهي الله يرضي علييك