القلب ومايشاور❤️مكتملة❤️

❤️الجزء 31❤️

القلب مايشاور 😂⁦❤️⁩الحزء31
بقلمي :وفاء السمري
اوا بقاو مدة طريق حتى وصلها لدارهوم لي ديجا بقا غادي كيسول تا وصل ليها مبغاش يفيقها وقف لوطو وبدا تيزعزع فيها...
هي لي كانت ناعسة بنعسة برييئة حتا حسات بشي حد.كزعزعها تيحساب ليها ايوب هي تغوت
سكينة:وااااااع بعد منيييييي
آدم لي سمكاتو غوتها هو يتكلم..
آدم:غا بشوية علك هاذا غير انا نوضي راه وصلتي لداركوم.
سكينة:بقات شحال عاد رجعات داكرة بلي هو لي مبغاش يوصلها هي تعقد غوباشتها..
سكينة:ها تالدابا عاد موصلني تفو على بشار كيداير كنس ناقص تفو علك نزلات خبطات باب تا كان غيتقلع هو يهبط زاج...
آدم:لا هرسييه حسن شاريه باك..
سكينة(ضارت عندو*قلزات ليه):ها ماتسوا تفو
سدات باب دارهوم بجهد...
هو ضحك على تصرفاتها ديمارا لوطو رجع لفيرمة. ...
فبلاصة آخرة فبيت كانت ناعسين فيه زوج عريانين شكون من غير صوفيا غدارة طحبة ناعسة مع واحد تامل..فاقت عريانة صونات ل آدم...
آدم لي كان غادي فطريق تا شاف تيليفون كيصوني وهزو..جاوب..
صوفيا💬حياتي
آدم💬عمري لاباس عليك...
صوفيا💬حمدالله ونتا
آدم💬حتى انا احبيبة. 
صوفيا💬 اوا حبيبي مغتحضرش لعيد ميلادي. .
آدم💬 لا احبيتي راك عارفة لي كاين ولاكن كادوك ايوصلك...
صوفيا💬 اوكي حبيبة كنبغيك...
وقطعات نطقات...
صوفيا:هبيل. ...😏
دخلات سكينة لدارهم تلقا ليها عمها عند الباب عينيه خارجين فيها وفحالا كيقلب على شي حاجة
عبد الحق:فين فين هووااا
سكينة كتبقلل فيه حسابها غير حماق: اويلي رجوع الله اعمي اشناهوا
عبد الحق نهض فيها حتى قفزات: سووكااينة هضررييي فييينهواا
سكينة مدهوشة ماعارفة تاعلاش كيهضر:هاا ها هاهوا جاي جاي فالطريق ب بغيت نقول غيجي ورايا ضروك يدخل(البنت ولات تدخل وتخرج فالهضرة😂)
عبد الحق:شنوهوا؟
سكينة:وارااه نتا لي كنتسنااك تقولي شنوهوااا راني مافاهمة والو
عيد الحق غوت حتى خرجو كشاكشو خاشي وجهو فيها وعينيه قربو يقيسوها بقوة ماخارجين
عبد الحق:وااحاااقييي ابنت الحراااام حااقييي....فييين حقي ديال الرفييسة....عركتيييهاا ا الدحشة بنت الدحشة ونسيتيني هاادويي(الدموع غيخرحو ليه بالفقصة) وااناا من الصبااح وانا نتخاايل ونبلاني منين نبدا الدحااجة وكيف غيجي الترييد ا التريكة النااقصة (بقا فيا الصراحة😂)
سكينة:والله اعمي إلى ميحسابليش غتاكلها معانا
عمها:ياااك ابنت خوووياا ياااك ا الكنس القصيف...يا بني كلبوون... اناا سيي عبد الحق تخوريني فالرفيسة....وأنا فرحااان بقاتلي غير التزغريتة ماطلقتهاش ناوي نزرد زعما (تقطع فالقلب)
سكينة:الرجوع لله اعمي وولله حتى مشيتي من بالي....ولكن متخاافش غداا تشااعلااه جييب ليا الدجاج ونصاايبها لييك كول حتى يخرجو عينيك كتر ماهوما خارجين
عبد الحق:واااخا وحق لي ليه الحق مانساها لييك ابنت خويي
مشا دخل لبيتو غادي وينگر ويهضر بوحدو ماتسرطاتش ليه😂 حسسها بتأنيب الضمير...تخشات فالكوزينة ردات ليه العشا ودخلات لبيتها تكاتها على سريرها وهزات راسها كتشوف فالصقف وتفكر بلان قبيلة وكيفاش دافع عليها سيهم آدم وطاحت عليها شي فرحة يا سبحان الله والفراشات ينغزوها فكرشها...قالت مع راسها غدا وتمشي تشكرو...
تعشات هي وعمها وطاحو كاو نعسو ماكاين لا أحلام سعيدة لا ميلودة....
وهي فنعاسها بدات كتحل عينيها بشوية كتلقا راسها فبلاصة خضرة ومووردة والسما زرقة والفراشات فوق راسها كيطيرو وشي واحد ماباينش وجهو راكب على حمار ( 😂😂) وماد ليها طرف دالخبز كارم وكيقول:سكينة تقبلي تزوجي بيا...سكينة....سكينة جاوبيني. ..سكينة...الصوت بدا فحالا كيديه الريح وعاد مازاد فالغوات باسمها:سوووكاااينة سووووكااينة
قفزات قفزة وحدة على شي خبطة للجبهة ناضت كتحك فيها وعمها عند راسها كيغوت بسميتها وهي مغمضة عينها وكتقول:قااابلااا قاابلاا والله حتى قاابلاا يويويويووو
يالاه غتكمل تزغريتها حتى تعاودت علعلها الخبطة وحلات عينيها مطرطقاهم فعمها
عبد الحق:الله يعطييك الققبط..الجاايحة الكحلة تضربك ا الهاايشة الله يلكيها ليك كحلة زحلة بلحووحي خرج بالتعيااط ونتي مكيناش هنااا ابنت المخننة
سكينة بدات تغبن ليه:حشوومة عليك اعمي خلي غير حتى نشوف وجهو ونشد من عندو ديك الدغيمة دالخبز هنننن
عبد الحق:تكعدي باراكة من حمااقك تهزي راه 12 هاادي
هزات تيليفونها لقاتها يالاه 10
سكينة:قوا فيك الكدوب اعمي يالاه العشرة
عبد الحق خرج فيها عينو:تعرفي حسن مني
سكينة:ونتا تعرف حسن من العتماني
هبط يهز بلغتو وطارت تخشات فالطواليط