القلب ومايشاور❤️مكتملة❤️

❤️الجزء 56❤️

القلب مايشاور 😂⁦❤️⁩الحزء56
سكاكن يالاه طلعات عينيها لقاتهوم حالين فمهوم فزمانها هي تبدا تهلل...تا قفزات آدم. .
سكينة:هاااايوااا جمعو عينيكوم نتوما غتعينو ليا زماني
اما هوما سمعو زمانها حدرو عينيهوم هي ضارت عند آدم لي كيشوف فيها مصدوم...
آدم:من نيتك. ..
سكينة لي جاية تشتف خير ربي كيتهز معاها...هو غير كيستغفر مولاااه...وصلات حطات ايديها صغيورين على دراعو المعضل غادة موازياه فخطواتو داوية. ..
سكينة : اوا شتي اسي آداام غيبقاو يشوفو فك غيضربوك بالعين وانا نخاف توقع ليك شي حاجة منقدش على فراقك..
آدم : ههههه ياك متقديش علا فراقي علاه بسلامة شكانجيك انا باش تخافي عليا..
سكينة : راجلي مستقبالي..
آدم:اشنو🙀
سكينة عاد عاقت براسها راه درعت وراه شادة فدراعو طلقات من دراعو ولات حمرة حمرة بحال ميطيشة..تكلمات
سكينة:ااامديش عليا اسي آدم راه غا كنقجم معاك زيد زيد راه مزال خاصنا نمشيو لداركوم نمشي معاك مبغيتش نمشي بوحدي. .
آدم لي بقا غا كيتعجب لهاذ بلوة مصطية باش كملاتها تمشي معاه يالاه بغا يقمعها هو يتفكر نهار بغاو يتكرفصو عليها هو يسكت حسن ميل غا راسوا بالموافقة وتحركوا..اوا بقاو مدة تا وصلوا لدار حطو تصبين سكاكن دخلات لبسات جلابة بينك مخيطة خياطة مخزانية بالبيج كان شاريها ليها عمها من المدينة مع شال بيج غا لاحتو علا راسها لبسات صنيديلة بينك بانت كتحمق مع فورمة وبياض جات حاجة نااادرة هو لي غا شافها خرجات تدهش فيها نهار على نهار كتزيد دهشو بجمالها الملائكي الرباني كيقولوا سبحان من شكلك..اما سكاكن خرجات تاتباها هي تسولوا..
سكينة (وضحكة مزينة وجهها البشووش..):كيجاتتي زوينة يالاه شراها ليا عمي كنت نشوف ناس يلبسوها هاو بقيت مشهية وحيدة هاهو جابها ليا...
آدم لي الله يرحمو سها فضحكتها عفويتها نطق بدون شعور ...
آدم : كيديما جميلة فكل حالااتك..
سكينة خبطاتوا لدراع مضرقة فمها بزييف..
سكينة : ويلي حشمتيني🤭🤗
آدم ضحك على هبالها زيدها قدامو..
آدم : زيدي زيدي الهبيلة😂