القلب ومايشاور❤️مكتملة❤️

❤️الجزء 22❤️

القلب مايشاور 😂⁦❤️⁩الجزء22
بقلمي:#وفاء_السمري
وصلات سكينة دار عمها كان خارج مكيشدش الأرض....قادات الدار  ودارت العشا يطيب.....وخرجات جلسات قدام الباب فوق الحجرة وربعات يديها حاضية الغادي والجاي حتى نقزات عليها خديديج قفزااتها
سكينة:يعطي لموووك العگر ا الهاايشة....الجايحة الكحلة تضربك گولي امين
خديديج:الله يناجيني اخيتي.... مازالة باغة نتجوج ونولد البراهش
سكينة ميقات فيها:كاع باغين نتزوجو
خديديج:اه حگا نسيتيني حتى علاش جييت. ..هاو فخبارك ابنت خويلتي دار المعطي لي فالعگبة
سكينة:عرفتها عرفتها....مالها
خديديج:متأكدة عرفتيها؟ديك لي جات شووكة كبييرة و...
سكينة:واااطلقينييي تي مااالهاااا
خديديج:جااو ماليها
سكينة:يعطييك مووصيبة....شلااا ماااجايبة ليا....هادشي راني عارفااه
خديدج:وعارفة بلي جابو معاهم ولدهم على مزيينااتو كلشي مصننات الدوار كيلغيو بييه....اشمنك يا زيين ويا فوورمة ولحيية (البنت مشاات فخبر كان) وعوييناات وفيم
سكينة:وشفتييه؟
خديدج:لا غاعاودو ليا
سكينة:(دفعتها تاتلاحت لجهة اخرى) سيري الله يقل حياااك تكعدي غبريي علياا كماارتك قبل مندير فيك يدي
خديديج (ناضت تنفض فحوايجها وتنگر) اهياا غير لي بغا يعاود
ليك شي حاجة....اييف كنس قصيييف. ...نردهالك فساعة الخير ابنت خويلتي
سكينة:طرگي داركم غبريه عليا
ناضت خديديج تشتف مشات فحالها و سكينة جلسات شوي تابدات تشم ريحة الحراق....ناضت تجري تجري دخلات طفات على البوطة لقات الغدا تحراااق وشبع حراق وبركت تولول كيف عادتها
سكينة:ويلي ويلي ليووم عمي بيتني حدا الفرارج. ...ويلي ويلي وعمرها كانت ليك ابنت الجيلالي. ... (هزات ييديها لفووق تدعي وتعاود) سيري اخديديج .
سيري اخديديج يعطيك البلا وقلة الهنا والمعيشة فالخلا والموت بلا عزا....إنشاء الله نهارين فالفراش والتالت فالانعاش. ..بغيتلك مرض الرواوي والحجر فالكلاوي يا الحمارة (هبطات يديها) ويلي استغفر الله مالي وليت شريرة هوك ياربي تسمح لي
حيدات داك العشا المحروق بالزربة لاحتو وصايبت واحد جديد خلاتو يطيب.....
اما عند سي آدم....فاش سلا جرا كيف عادتو ورجع دوش وهبط لتحت  .كان المعطي وعويشة فالطبلة جالسين كيتسناوه يهبط. ..جلس حداهم وبداو ماكلتهم
عويشة:آدم(هز فيها راسو) مالك مع ديك البنت سكينة راه كتشكى منك(باغة تشوف شتحت راسو)
آدم:ديك البرهوشة ديما خارجة ليا من شي قنت فينما نضور نلقاها دايرة شي كاريثة فحال وجها
عويشة:(شافتو تنيرفا وهادشي ماشي من صالحها) لا لا بالعكس ديك البنية على مزينااتها ضريفة ومخللقة ومأدبة...دخلاات لخاطري ياك ا الحاج
شاف عندها وضحك زعما عرفتك علاش كتحومي
المعطي:ايه ايه تانا عزات عليا مربية الله يرضي عليها