القلب ومايشاور❤️مكتملة❤️

❤️الجزء 58❤️

القلب مايشاور😂⁦❤️⁩الحزء58
وصلوا للدار لقاو عويشة كتنصب فالغدا...سكينة شمرات على درعانها ودخلات تعاون حماتها (زعما😶)
سكينة : خالتي اري نعاونك..
عويشة:تي لاش تقولي ليا خالتي قولي ليا غا مي..
سكينة:واخا امي اري نعجن كتافك ضارينك..
اوا شدات عجنات الخبز ددار خلاتها تخمر حلفات على عويشة متحط يدها فالغدا مشات بركات فرحانة بمرت ولدها مقاداها فرحة. .اما سكينة قادات لك دجاج دالعرساات بدغميرتو قلات البطاطا خبزات الخبز وقادات سفة...طيبات داكشي حطات فطبسيل دجاج زوقاتو بالحامض مصير وهريسة فريت حطاتها فطباسل....حطات خبز سخون سفة تاهيا حطاتها فطبسيل زوقاتها باللوز وقرفة داتهوم فوق طبلة منضرهوم يفتح شهية...مشات تعيط عليهوم..
عويشة بركات هي ومعطي لتاحق عليهوم عبد الحق(هادا دينا عارض على راسو) بقاو داوين قررو مايفتحوه باﻷمر تايفوت غدا. .
اوا سكينة عيطات عليهوم. .بركو فالطبلة فالصالون...بقاا غير ادم...حتى بدا نازل ببنيتو رياضية كيتبومبا متحلا ليه كلسة غا حدا سكينة. .اما هي مهياش فيه عقلها تفكيرها كولوا على طبسيل الدجاج الماكلة عندها هي كولشي الحب والعمر. ..
عويشة :تفضلوا مرحبا بيكوم...
اوا باشرو فاﻷكل سكينة ولات كي والوحش طلقتيه على ماكلة ادم بقا متبعها شكادير جابت ليه ضحكة ولا حبسها غا بزز ولاكن مقدش هو يطلقها قدامهوم..
آدم:هههههههههه🤣🤣🤣
كولهوم تلفتو يشوفو مالوا حيت ماموالفاش
عويشة:مالك اوليدي ياكما حماقيتي...
آدم:ههههههه لا لا سكينة ياكما كانو رابطينك...بشوية غتوحل لييك...
سكينة مرضاتش يقول ليها هاكاك جاب ليها الله بحالة ستهزء بيها هي تنوض...
سكينة:تفو حاسدني تا علا ماكلة هاهي نايضة كاع ربح بيها
آدم هز فيها ححبانو صدماتو ردت فعلها وهو كان غير كيضحك الساعة هجراتو ليه (ايوا ضحك نتا مع البراهش)