القلب مايشاور😂❤️الحزء69
وكتولول تحت لسانها هادشي عييب عندهم فالدوار لا لبسات البنت فحال هاكا يقدرو يقتلوها كاع...ماراداش البال لآدم لي حاضيها وهي باينة فيها مستغربة من هادشي
سكينة:خالتي عويشة...تي شوفي هادو ماعندهم مايلبسو ولا شنو مالهم حالتهم لابسين ربع ميترو ديال التوب
عويشة:شفتي ابنيتي ماشي كاع البنات فحالك وفحال بنات دواركم....كيخرجو مقزبين وماهامهم حتى حد..
سكينة:اييه ناقصاهم التربية
عويشة:الله يهديهم...
آدم:احم المهم دخلو خودو لي بغيتو انا غناخد قهوة ونمشي عندي الخدمة فاش تساليو صوني ليا
عويشة بغات تقول ليه بقا ولكن شافت راسها كترات عليه:واخا اولدي الله يعاونك
مشا هو وهوما دخلو لأول محل كان ديال الثواب معلقيين لفووق والأرض محطوطين تاني بالأنواع والألوان..بداو يعزلو ويتخيرو هادا زوين هادا لا هادا يجي جلابة هادا يجي قفطان
خداو لي بغاو ودازو تاني لمحل آخر ديال البلاغي والصبابط... دوزو محل بمحل ها ديال الديكورات المنزلية ها والديزاين وديال البيجامات والفولارات والقفاطن والجلالب..المهم ماخلاو فين مشاو
حتى ضروهم رجليهم كانت الربعة دالعشية...مشاو ضربو دجاجة محمرة بالفريت والموناضة فواحد المطعم جلسو استاراحو شوية وعيطو لآدم....جا بالطوموبيل حتال عندهم ركبوا وتمو راجعين وكيف العادة الهضرة بين عويشة وسكينة مكتقادااش ومرة مرة كيشاركهم حتى آدم لي تطلقات معاه سكينة شوية اصلا الحشمة غير قدام عويشة اما هيا فيها تخراج العينين فحالو
أنت تقرأ
القلب ومايشاور❤️مكتملة❤️
Romance💎مكتملة💎 ❌حصرية على الواتباد❌ 🌟القلب و مايشاور 🌟 🌟رمضان كرييم على جمييع المسلميين 🌟 🕯ايوا كيقولو ناس زمان " القلب مايشور " كانو المغاربة الحرار و الرجالة الكبار لي بشلاغمهم لابغاو مرة الدااار لي تصونهم و تصون عراضهم مايقربوش لبنت المدينة و ل...
