القلب ومايشاور❤️مكتملة❤️

❤️الجزء 18❤️

القلب مايشاور😂 ❤ الجزء 18.
بقلمي : #وفاء_السمري
اوا لالة بنات طلعات بيت فين نعتات ليها عويشة دخلات لدريسينغ لي قد.دارهوم بقات واقفة مبهورة حتا لقات بيجامات أشكال انواع بانت وحيدة تقدر تجي قدها بسروالها لبساتها  خرجات مشطات لك شعير طلقاتو عجبها دارت زيف من فوق خلاتو مطلوق ولات تاتبان كيوت خرجات هي تقشع واحد باب مزخرف بدهبي فضولها ادى بيها لداك باب فتحاتو تصدمات بجماليتو لي باين عليه ديال راجل كولو كحل فيه خديات بدهبي بقات كتشوف مرداتش بالها رشاش لي خدام
اما عند آدم طلع صاعر خاصو غا معامن دخل دوش بقا تما يترولاكسة تا تهدن عاد خرج لاوي عليه فوطة هو يقشع واحد تيتيزة واقفة بالفورمة المنحوتة شعر طويل اﻷسود بقا كيشوف هو يقرب ليها يالاه بغا يحط يدو باش يعرف شكون تا ضارت ست حسن وجمال تلوات لي رجلها جات طايحة فوقو بقات مصدومة تتشوف فيه وتزنكت بحال مطيشة اما هو بقا تيشوف فيها منكرش راه عجباتو شوية بداك زين البسيط  و شوفاتها الحلوين 
لكن فجأة دغيا تخربقلو لمورال عاد  دفعها تاطاحت على جنبها ناضت كاتنفض و تعاير
سكينة: تا واش منيتك هاكاوا بقالك غادفيع .. غاا غوتة نجمع عليك امة سيدنا محمد و لكن جيتيني مزروبة و نتا نيت يديك سابقينك .. يخخح على كنس
ادم: كيفاش اش تتخربقي عليا تما واش فينما مشيت لقات كي الشوكة فالحلق 
سكينة: راه تا احنيني لي جاي لهنا هاوو هادي راه ضارنا  وبيتي من الفوق (ياك المرضية🙂😶(  او اصلا اش جابك لهنا عطا الله لقناات  فين تتركن و تقيل بناات الناس عليك
ادم: لا واش من نيتك منين جاتك تا ضاركوم واش كديري نتي هنا بعدا واخرجي عليا قبل مانفوت فك شي دقة هانا غندخل نلبس نلقا موك هنا نحيك( تم غادي وهي بقات حاضياه من لور كيفاش تيبان حمقها بلخصوص ليزابدو لي باينين ومشيتو الرجولية وصوتو لي فيه نبرة قاصحة..)
حيدات هاد الافكار من راسها ومشات غادا خارجة من بيت هبطات لتحت لقات عمها واقف يعاين فيها باش يمشيو..
العم: افين تعلطتي هااه ومال حوايجك مبدلاهوم
سكينة: لا اعمي راه غير طحت تقطعات بيجامتي عطاتني خالتي عويشة بيجامة. ...
عم :اوا زيدي يالاه..بسلامة علك المعطي..
خرجو مشاو وصلو لدارهوم مشات لبسات بيجامتها حطات بيجامة عويشة مشات كطيب فطاجين وبالها فبلاصة اخرا ادم محيدش ليها من بالها كملات طياب ومشات حطاتو فوق طبلة تعشاو وناضو نعسو مشات لواحد لبيت فيه غير سديدرات قدام وكلا سداري فيه وسادة وشرجم لفوث مشبك مشات تكات فوق واحد سداري وغمضات عينيها واحد شوي بداو دموعها كينزلو حسات بكلشي حاكرها وتاحد ماعزيزة عليه وغير زايدة ناقصة فهاد دنيا مسحات دموعها بكم تريكو وغمضات عينيها حتى نعسات....
اصبحنا واصبح الملك لله
بدات تتحل فعويناتها خاصها تنوض بكري باش الله توجد لفطور ناضت مشات غسلات وجها وقدات حاجتها وخرجات كان عمها باقي ناعس وجدت اتاي وصيبات شيار ولبغرير ودهناتو بزبيدة وعسيلة وداتو حطاتو فطبلة ونوضاتو افطر
عبدالحق: شوفي ابنيتي ملي تفطري وسيري عند الحاج المعطي دي ليهوم بغيريرات وحليوة ومتنسايشاي تاني بحال داك نهار
سكينة؛ واخا اعمي اصلا كنت انمشي نرد لمرا بيجامتها
المعطي: اوا صافي سيري تبتي لا ديري شي زبلة بلاما تبركي رجعي باش تنصبي غدا
سكينة: وانت اعمي فين ماشي فهاد لوقيتة
العم: انا غادي عند لحاج صالح بغاني فشي حاجة ولاش تتسولي سيري قدي داكشي لي قلت ليك وهنينا
بقات ساكتة تتشوف فيه حيت غتزيد تهضر معاه غادي ابقا ينكر اللهما تسكت مشات لكوزينة جبدات داكشي باش تصاوب لحلوا صاوبات كيكة وشي حليوات صغار ولحرشة دارتهم فطبسيل وغطاتهم هزات بيجامتها مشات دارت زيفها وتمات غادا وصلات لساقية  تفكرات لبارح حمارت غا راسها  بقات غادا  حتى وصلات  بدا كيبان ليها غا لخلا حتى بانت ليها واحد دار كبيرة شوي بقاات غادا تاوصلاات معرفت واش دق ولا تصوني دقات جوج دقات مجاوبها حد وهي بدات تسرسر(تصوني زعما) عاد جاوباتها عويشة
سكينة: سلام خالتي شوفي عمي صيفطني نحيب ليكوم شي حليوات نرجع لك تا بيجامتك
عويشة: واخا ابنيتي هانا هابطا
بقات واقفة تتسنا حتى تفك لباب بانت ليها عويشة مكحلا ومعكرة ودايرا زيفها
سكينة: هاكي اخالتي
عويشة بقات تتشوف فيها عجباتها وعاد لحداكة والادب: دخلي تبقاي واقفة دخلي تشربي كويس داتاي
سكينة: لا اخالتي خاصني نمشي الله لحك باش نشقا ونطيب لغدا ونسرح دوك نعجات مهم تالمرة خرا دوزي بيخير
عويشة:بسلامة الله اعونك ويسرح طريقك
سكينة: اميين
فاش دعات معاها عويشة فرحات حسات بواحد الدفئ فقلبها وترسمت فوجها الضحكة ولفرحة....