القلب ومايشاور❤️مكتملة❤️

❤️الجزء 5❤️

الحب مايشاور😂❤الجزء 5
بقلمي: #وفاء_السمري
اصبحنا واصبح الملك لله
فواحد لبلاصة بعيدة على دوار مدينة الدار البيضاء فواحد لفيلا ونقولو قصر ماشي فيلا كانو فيها راجل كبير شوي  كالس فصالون  فوق الفوطيو بطريقة ملكية ومشبك يدو كانه مالك الارص وما فيها وجالسة حداه مرة زوينة  حتى تم داخل واحد المصعصع عاقد حجبانو على شوية ويتشركو لابس كيطمة  علاين طرطق عليه بسبب ليزابدو الكبار اما واحد طولة عندو تخليك تعلي فيه عينيك غا تشوفي فيه تسخفي من جمالو والكاريزمة القوية لي عندو ماشي ومعالي راسو تشوف فطريقو وكيطلع فشعرو الاسود لي كيطيح ليه مرة مرة على وجهو وتيرجعو بايدو لور  عاض على فمو صغيور ميكناش بنت لمرا مشافتوش وبغات تبوسو ولعوينات بحال سواد ليل ولحيا لمطراسية  وسمورية كان كيمسح العرق من جبينو... كان  خارج كيلعب سبور طلع بلا ميقول ليهم تاكلمة
الام:مال هذا تاني ياكما ضارب مع شي حد
المعطي :شششش تي سكتي اديك المسخوطة مكتسكتيش سيري شوفي ولدك اي تيدير ونتي غير حت حتحت
الام: هانا طالعة يخخ مشات الام طلعات متاجهة لبيت ولدها دقات تاحد مجاوب فكات لباب ودخلات سمعات دوش عرفاتو كيدوش يالله بغات تخرج وهي تسمع تيليفون تيصوني مشات شافت شكون وهي تلقا وحدة مكتوب عليهاmy love ودايرا صورتها وحدة حاطا كيلو تاع الماكياج وصابغا شعرها بصفر جمعات وجها بقلق وخرجات من لبيت غاديا عند المعطي
حتى هبطات عندو وكلسات حداه
الام: ورااجل تا سمع ..
المعطي:مالنا شكاين
الام: عقلتي انا كنت دايما نقول ليك ولدي بغيت نزوجو وحدة من العروبية بحداكة ومتقولش اح مبغيتش ليه بنت المدينة تتكون وجها صابغاه غاداك لمسخ وشعر زعر
المعطي:اهاه وانا اش بغيتيني ندير ليك
الام: والقيت واحد سفود عواشر مصونيا ليه دايرة ديك كلمة تاع ماي لوووف
المعطي(بتركيز.):اييه زيدي كملي
الام: اوا باينة اتكون شي لفعة متعرف طيب موالوا زيدها تبقا عليه حبيبي ديني هنا جيبني هنا متحتارمناش الحاج..
المعطي:ولاعيلا الحاجة عرفتي غندير راسي مريض نبدا عليه بغت نمشي بلادي فين خلاقيت قبل مانموت اه برا عليا راني باقي ندك وندردك,.
عايشة:اييه زيد كمل ..
لمعطي:اوا نغمقو عليه يمشي معانا تم نضبروا ليه على شي عروسة..
عايشة :لا مبغاش
لمعطي:يبغي بز منو ولا نسخط عليه..