القلب ومايشاور❤️مكتملة❤️

❤️الجزء 64❤️

القلب مايشاور 😂⁦❤️⁩الحزء64
سكينة شافت فيه وعينيها تاهيا على سبة بداو يدمعو:لا ماتقولش هاكا اعمي مازال العمر قدامك.... (تقلبات دغيا وخرجات عينيها) دابة جيتي من اللخر شكون هادي
عبد الحق:كليثيمة..ءء ء كلثوم الخريبگية...ديك لي دارها توال العگبة لي فالراس ددوار...بغيت نكمل ديني معاها
سكينة:حتى تكوني بديتي دينك بعدا عاد شوف تكملو...ونتا حتى جبهتك ماكتحطها للأرض إلا لا تحنيتي تجبد صباطك...حتى من الصلاة على النبي ماكتصلي عليه إلا فالعراسات كي النگافة
عبد الحق:الله يهدينا للطريق المستقيم (ولا ضريف)ودابة اش قلتي..
سكينة:وهي باغة (حركات ليها راسو) ايوا متسالني غير تزغرييتة (وطلق آها بتزغريتة تنوض الميت من قبرو وهو يفرنس ليها وخرج لبيتو يلبس شي حاجة مقادة حيت قربو يجيو وهي طفات على الغدا وعمرات اتاي والقهوة وحطات الحلوة فطبيسلات...ودخلات كدردك لبيتها....مشات لواحد الصندوق ديال الخشب حلاتو كان فيه بزاف دالثواب والحوايج هزات شي وحدين وجبدات واحد القفيطين خفيف جوهرة...
حطات و وصونات لخدوج ضروري تحضر معاها
نمشيو لعائلة العريس..
..عويشة لابسة ليك قفطاان فالبيض والدبالج والسناسل كلها كتخرشش وزويف دهبي على راسها...باقة شادة فراسها وزويينة...وحداها معطي جاني كيلبس فصباطو وهي غادة جايا والتيليفون فودينها
عويشة:ويلي ويلي على ولد كررشيي وماداير فيا... (حيدات تيليفون من ودنيها) واالو مكيجاوبش...فين غاابر هااداا ويلي وحديمعطي:اييواا نتي لي مزرووبة...ماواخدة ري الدري ماوالو حتى تقولي ليه نوش على سلامتك غتزووج...كون خليتيه غير يفكر بعدا
عويشة:نتا لي بقيتي ليا...فين غيلقاا فحال ديك البنية وزادت لاش غادي نزيدو نتعطلو...دااابة يجي نهار يشكر مييمتو على لي ختارت لييه