القلب ومايشاور❤️مكتملة❤️

❤️الجزء 32❤️

القلب مايشاور😂 ❤ الجزء 32
بقلمي : #وفاء_السمري
خرجات عويشة من كوزينة هو كيطل يشوف واش جاية موراها ساعة والوا حطات فطور وبركات وآدم غا كيقلب براسوا...عليها وهي تقشعو عويشة و نطقات..
عويشة : وليدي علاش كتقلب...
آدم:ءء على والوا غير ديك بنت شتها مكيناش مولفة هاذ وقيتة كتكون...
عويشة:امممم هي عجباتك...
آدم:يهديك الله الواليدة شمن راه غا سولت وصافي. .
عويشة : امممم اوا وليدي صونات قالت ليا مغتبقاش تجي ديما مرة مرة طل وتمشي. ...
آدم (لي بزق قهوة من فمو):كيفااااش..
عويشة :اتا مالك شرب بشوية كي سمعتي..
آدم:اوكي اوكي انا خارج .
خرج وزدح باب..
المعطي لي كان مقابل لفيلم. .
معطي:ياكما كيبغيها. ..
عويشة : وباااينة..
معطي:اوا ضربي حديد محدو سخون
اوا بعدما فطرو فالنگير والتلاجيج سالاو وناضت تطيب ليه الرفيسة وهو وقف ليها عند راسها كي الموحمة زيدي الملح كتري الحلبة متقويش البزار حتى جرات عليه...قادات المسمن وداكشي وخلات البلول يطيب وخرجات خملات الدار بعدا حادگة من ناحية الشقا... تسنات تاطاب داكشي حطات ليه القصرية كبيرة وعاامرة قدامو وجلسات حتى هي....يالاه مدات يديها تاكل وهو يضربها ليها جمعاتها عندها
سكينة : اويلي اعمي مالك عبد الحق : باش كيحلفو الشلااغمية الكباار وماجمعتي يديك حتى ندوش ليك بالبلول ( البلوول ماشي البوول😂 )
سكينة : ياويلي يهديك الله اعمي خنتغدااا
ومدات يديها تاكل ورجع ضربها ليها عبد الحق : والله لاطاح فكرشك...منين كنتي لبارح تدغغجي وتخشي فداك الفم كليييت معااك؟؟؟؟ ...(خرج فيهت عينو)وااااش كلييت معااك ( حركات ليه راسها بلا جاتها البكية باغا تاكل ) اييوا نوضي تكعدي عليااا راه الخبز فالكوزينة
ناضت على سعدها ووعدها للكوزينة صايبات ليها البيض وماطيشة طاب ورجعات عندو كتشوف فيه كياكل فالرفيسة خاشي راسو فالقصرية وواحد الدجاجة هنشرها وهي كتضرب فالبيض وماطيشة على قلبها