القلب مايشاور😂❤️الجزء59عويشة:يااوليدي ماتحشم مترمش وحلتيها للدرية
آدم:الواليدة راه غير ضحكت معاها
معطي:نوض شوف مالها ورحعها تاكل الله يرضي عليك اولدي يمكن تقلقات
آدم:تقلقات! ! واخا انا غنشوفها
وناض تبعها..
عويشة ضحكات دارت عند معطي وعبد الحق...المعطي كيضحك وعبد الحق غياكل جنابوا على التحشيمة لي دارت هو يدير ضحكة صفرة...
عبد الحق : هيهيهيه ديوش عليها درية باقة صغيرة. ..
معطي:ماشي مشكيل درية بحال بنتي اسي عبد الحق...(دار عند مراتو وهضر بينو وبينها)شبان ليك نفاتحوه فالموضوع
عويشة:اييه علاش لا
عبد الحق غير كيشوف ويدور فعينيه
معطي:مهم اعبد الحق..نتا منا وحنا منك..وحاسبينكم من عائلتنا..حنا باغين نجيو نخطبو بنت خوك سكينة على سنة الله رسوله لولدنا آدم الا قبلتو بطبيعة الحال
عبد الحق فحالا خويت عليه سطل دلما بارد كيفاش سكينة بنيتو لي ربى جاو فيها خطاب هادي لي مكانش داير ليها حساب شكون يولي يرد ليه البال ويطيب ليه وينسيه بهمومو واخا قاسي فتعاملو معاها ولاكن كتبقا سكينة هي كولشي فحياتو تفكر خوه ملي كان على فراش موت قاليه خويا عبد الحق ربي بنتي كي بنتك حافض عليها زوجها بسيد الرجال...هاذا هو سيد رجال جا تا ليديه واخا غتمشي وتخليه مستقبالها هو اللول
عبد الحق:اوا شغانقوليكوم منلقاش حسن منكوم ناخد شوار البنت نرد عليهوم
عويشة:بنت قابلة قابلة هضرت معاها لبارح
عبد الحق : هانتي على الجدرة بلا خباري اوا لا كان هاكة منزيدكوم غا خير
معطي:هااا وهاذا خبر معتبر اوا نجيو نخطبوها منك بعد غدا وضريب صداق من بعد سيمانة انشاء الله
عبد الحق :لي درتوها انا معاكوم
عند سكينة و آدم لي مشات تجري كوزينة تغبن وهو تبعها
آدم :سكينة واش تقلقتي انا غير كنضحك مقصدتش نقلقك...
سكينة:ياك المرضي..وسكت ديك ساعة غا تا نكمل ماكلتي تفو علك شرير جبتها غفكرشي
آدم:هههه صافي ميبقاش فيك الحال الماكلة مغتهربش
سكينة:ها وا زيد زيد كوراه سالاو طبسيل ونحيب سبتي علك
آدم :هبيلة لاخرة زيدي زيدي
اوا رجعو ضاحكين عويشة غا تفرنس بقربهوم..كلاو جمعات سكينة لاعن.مشات هي وعمها بقاو غا هوما بتلاتة هادي لحضة الحاسمة
آدم كان غادي طالع لبيتو حتى سمع عيطاات عليه رجع عندها
عويشة:ولدي اجي بغيت نهضر معاك انا وباك
آدم:اهاه مرحبا شواقع
معطي بدون مقدمات:حنا قررنا انخطبو لك سكينة بنت عبد الحق
آدم سمع هادشي ولاو ودنيه كيصفروا وكيرمش فيهم فحالا ماسمعوش شنو قال
آدم :كييفااش!!
أنت تقرأ
القلب ومايشاور❤️مكتملة❤️
Romantizm💎مكتملة💎 ❌حصرية على الواتباد❌ 🌟القلب و مايشاور 🌟 🌟رمضان كرييم على جمييع المسلميين 🌟 🕯ايوا كيقولو ناس زمان " القلب مايشور " كانو المغاربة الحرار و الرجالة الكبار لي بشلاغمهم لابغاو مرة الدااار لي تصونهم و تصون عراضهم مايقربوش لبنت المدينة و ل...
