القلب ومايشاور❤️مكتملة❤️

❤️الجزء 35❤️

القلب مايشاور😂⁦❤️⁩الجزء35
بقلمي:#وفاء_السمري
عويشة: اوا ابنتي شنو قال ليك ادم
سكينة: اوا اخالتي فاش بغيناا نشكروه بدا يغوت ويشمشم ليا فراسي نجيك لصراحة اخالتي
عويشة فرحت : اشنو
سكينة: واش ولدك بعقلو
عويشة ضحكاتها:ههههههه ابنتي الله اهديك راه بخدمتو وعندو واحد الصديقة وكون تشوفيها خايبة مزويناش او حاطة كيلو فوجها
سكينة ميقات بعينيها وهضرات بينها وبين راسها (تاولدك كيدير الاصدقاق) علاش مالها بعدا واش كتسكن هنا
عويشة: لا ابنتي تتسكن فلمدينة انا نوريك واحد تصويرة ديالها لقيتها عند ادم.. مشات لواحد لمجر وجبدات منو تصويرة وداتها ليها تشوفها
سكينة دغيا خطفاتها منها بغات تشوفها: ويلي كيدايرا وشو وجها حالتو مزويناش ياكي
عويشة: خااايبة وبغيتك تعاونيني
سكينة: فاش اخالتي
عويشة: فأدم
سكينة: وشنو ندير
عويشة: شوفي ابنيتي انا بغيتك تنسيه فديك صفريطة زعرة الشعر معرت اش عجبو فيها
سكينة: كي ندير نسيه فيها اخالتي اش تتكولي واش فيك سخانة نمشي ندير ليك لحامض مع العسل راه زوين
عويشة: لاا مابيا والو انا قلت ليك غنديرو انا وياك واحد الاتفاق وغربحو فلخر
سكينة ضورتها فراسها مالها شفيها تكون مع داك التوت: وشنو هو هاد الاتفاق
عويشة: نتي اتبقاي تقربي من ادم حتى يبغيك وهو لي غيولي طالبك ودبا تشوفي غيولي باغيك تالزواج وهانا فين قلتها ليك عقلي عليها
البنت غي دكرات ليها حس الزواج تبورشات(كتموت فالزواج 😂):
ولا عرفني عمي كندير هادشي
عويشة: متخافيش انا غنقول ليه بغيتها عندي مؤقتا تعاوني حيت عيانة شوي
سكينة: ولا منجحناش اش ايطرا
عويشة: كلشي غيكون هو هاداك دبا شنو غديري غتمشي شوفي شنو ديري مع عمك طيبي ليه بعدا ماياكل او انا غنقولها لحاج ادوي مع عمك على قاديت تبقاي معانا
سكينة: واخا اخالتي انا دبا غنمشي نوجد لعمي مايجغدر او غذا نوجد ياش نجي دوزي بيخير وسلمي على عمي الحاج
عويشة: بلاتي بلاتي فين غادا بغيتي اوقع ليك فحال البارح يمشي يتلقا ليك شي حد انا نعيط على ادم اوصلك
سكينة: الاا هاو انا نمشي وحدي راه داك لمخنن مريض بدق لي عطاه ادم
عويشة: تي تسناي اش غيوقع بلاتي
مشات قادات ليها زيفها وبينات ليها شعر جات كيوت او عايطات على ادم لي كان داوي مع ديك فرططو  قطع معاها ومشا تبع مو تهبطو لتحت لقاها واقفة عجباتو بقا تيشوف فيها تادوات عويشة
عويشة:اوا اوليدي سير وصل سكينة راه دبا يتلكا ليها شي حد تاني سير
أدم: كيفاش انا
عويشة:اه انت اويلي مالك تا سير
ادم مالقا ميدير او مشا سبقها لباب
ادم: تبعيني.. عويشة لي كدير ليها بحجبانها زعما سيري ..مشات تبعاتو كتبغي توصل ليه مع خطاويها صغار...