القلب ومايشاور❤️مكتملة❤️

❤️الجزء 46❤️

القلب مايشاور😂⁦❤️⁩الجزء46
اوا لالة البنات غسلات كرشة نقات مصارن شدات شحمة دبولفاف علقاتها تنشف سيقات قدام باب علقو سكيطة لداهل فدار على حساب شمس ناضت سكينة هزات مخاد شي فراشات دازت مورا دار كانت تم أرض نايض فيها بلعمان حمر يشقشق كتبان بحال زريبية وهوا نقي وشميشة باردة غير ديال بروك طلاقات لالة بنات لحايف فاﻷرض حطات مخاد زينين تجبدهوم غا ضياف حطات حداهوم مجمر مزند عافيتوا زاهرة جابت خديديج طبيلة فيها دوارة دالحولي وشواية وزلالك أو سفود أو مطارك على حساب اش كتقولوا ليهوم...
حطهوم لتاحق بيهوم عبد الحق ومعطي عويشة لي عينيها غير على سكاكن وحداكة بهراتها صطاتها وحلفات هادي مرت ولدها منها متخلاق بلارة صافية فوق اﻷرض..
سكينة:كلسو كلسو مرحبا بيكوم..كلس اعمي معطي هنا...
معطي (بوجه بشوش):قولي ليا غير با انويويرة...
سكينة (بحشمة🤭):واخا ابا معطي..
عبد الحق : سكينة سيري شوفي سي آدم فيناهو عيطي عليه...
عويشة غمزات ليها نعتات ليها جيهت طنوبيل بلي راه كاين تم هي فهمتها بزربة طارت بجرية عندو...
اما عند آدم لي مشا فيرمة دوش وحيد عليه دم وريحة عرق..ورجع لدار سكينة يعاين فمو حتى صونا ليه تيليفون لقاها صوفيا وجاوبها بقا مجمع حتى جات سكاكن لي قشعاتو هاضر فتيليفون قلعاتو هاضر معاها هو يبدا عقل شيطاني ديالها خدااام كيبلاني😈🗯️ .
بدات غادة باتجاهو بالحس طلات من شرجم بصوت انثوي رقيييق مدلع مسكر معاه نغنغة طفولية...
سكينة : آاااادااام...تكلم خالتي. .
اما هو غا سمع سميتو من عندها بحالة ضربو ضو لحمو قشعر بقات سميتو كتعاود فمساميعو كي قالتها بداك صوت انثوي رقيييق وهز عينو فيها زاد تسعق من جمالية عويناتها عسليين فشميشة حناكها محمرين كي ميطيشة نويف مقاد منكاد وجه لي صااافي بحال الحليب فيم وردي كي حبات فريز صافي سيد الله يرحموا طاح علا زنافرو قلبو ضرب ليها هي ولاكن لﻷسف فيقو من شرودو صفريطة ديال صوفيا لي سمعات صوت ودنيها سماكو كيحساب ليها خطيبتوا(انشاء الله احبيبة. ..)
صوفيا💬آدم آدم شكون هادي. .
آدم لي فاق من شرودو نطق ..
آدم🗯️:صوفيا من بعد ونهضروا قطع عليها...
ح
خلاها اطرطق وخرج عند سكاكن لي باقة تشوف فيه بداك وجه البريئ (لا يغركش المضهر الحب..🙄)..بدا كيقرب ليها بخطوات تقال جرها عندو حتى تلاصقت معاه تخالطو أنفاسهوم هوما دايبين فبعضياتهوم ما حس براسو تا طبع قبلة على شفايفها حميمرين اما هيا قفزاات حسات بواحد شعور غريب