القلب ومايشاور❤️مكتملة❤️

❤️الجزء 66❤️

القلب مايشاور😂⁦❤️⁩الجزء66
ادم غير كيشوف فيها وهي الطريق كاملة بنتي سكينة بنتي سكينة وهو ارتاح قلبو ملي غيخطب غير سكينة ماشي ختارت ليه شي وحدة اخرى لي ماباغيهاش...وصلو قدام الدار دلالة البنات وهبطو..كيف العادة كلشي خرج راسو يطل ويبرگگ... تقدم المعطي دق فالباب وتسنا شوية وخرج عبد الحق كيهضر بالغوات فحالا كيبرح
عبد الحق:وااهلن اااهلللنن بسي المعطي ومرااتوو وولدوو رااجل بنييتيي سكينة (ويغوت باش كلشي يسمعو) جايين تخطبو فبنيتي سووكااينة مرررحبااا واالف مررحبااا دوخلو دوخلو متبقاوشاي فالباب...مرحبا بسي لعريييس وليدي آدم راجل بنت خويا سكينة
زرب عليهم ماخلاهم كاع يهضرو دخلهم جلسو فالصالون وجلس حداهم وسكينة مخشية فالكوزينة
معطي:ترحب بيك الجنة اسي المعطي راك عارف معززتك عندي
عبد الحق:الله يااودي راك خوووياا...نهار كبير هادا
بقاو دي ويجب فالهضرة وسكينة رجليها ضروها فالكوزينة وآدم متكي بضهرو على المخدة والتيليفون فيديه ماعندوش مع هادشي
عويشة:ايوا فين هي بنيتي سكينة
عبد الحق:اه فالكوزينة....سووكااينة وااسكينة....اجي ابنتي الله يرضي عليك
سكينة سمعاتو كيعيط قلبها بدا يضرب يضرب وزادت تزنگات كتر...
هزات السينية داتاي تما وتمات خارجة عندهم...عويشة شافتها وبدات تصلي على النبي والمعطي مبتاسم تاهوا فرحان ليها اما سي عريس الغفلة شاد التيليفون ماهواش هنا
عويشة:هاا بنيتي جااات
مع ديك جات مع هز آدم عينيه تما وحلو...كيطلعها ويهبط وهي مهبط راسها والسينية فيديها جاية كتقرب تطلع عينيها فيهم وترجع تهبطهم...كيجي معاها البلدي بزاف. ..كانت لابسة قفيطين خفيف بلا حزام فالبيض والدوغي كيبري وشريبيل فرجليها...طالقة شعرها وضروري الفولار على راسها