الحب مايشاور😂❤الجزء 3
بقلمي: وفاء السمري
شدات طريق غاديا وتغني : انا جيت انا جيت انا جيت جوليمار اوااااخا اقلبي حيد عليا بقا لبويا غالغنا ... حست بزيف بدا يزلق ليها يلاه جات تصاوبو وهي تشوف الما كلو تكب عليها وولات حالتها حالة دارت تشوف شكون مول الفعلة لي مذ يدو وكبهم ليها وهي تلقا راجل شعرو مشعكك والخنونة دايزة ليه خدو فيه شوية دالوسخ وحوايجو كلهم مشركين شاف فيها وضحك ودفل عليها وطلق رجليه لريح هربان وتيضحك باين عليه حمق
وسعت عينيها سكينة بالصدمة مسحت خدها بكم حوايجها وهزت حجرة كبيرة وبدات جارية وراه
سكينة:تا وقف اولد الحرام اوقف يعطك ساحق ولاحق ورصاص متلاحق. رمات عليه بحجرة مجاتش فيه وهو يدور لعندها وخرج لسانو كيقلي ليها سم... رجعت كتجري وراه وهو هربان نسات الحمار وخلات كلشي وراها كاع دوار داروه وكاع ناس تفرجو فيهم حتى عيات ووقفت كتتنفس بجهد وتدعي فيه فخاطرها مع علات راسها لقاتو واقف حداها
الحمق:هيه مقديتيش تشديني دبا نوبتك تي هربي وانا نجري وراك هيهيهي
خرجت فيه عينيها وزيرت على الحجرة لي فيديها وعطاتها ليه لراس حتى طوش دمو وطاح ورجعت لعند حمارها عاودت عمرت الما وجرت حمارها وهي كتدعي فالحمق حتى وصلت ربطت لحمار ودخلت لدار لقات عمها جالس حازم راسو وداير الحامض
سكينة: عمي وتا شساير رابط راسك كي بكرة دفوع
لعم: اميمتي اراسي غيتفرق اشوفي هي كاعدة تطنز عليا اشوفي هاه هادشي ممسلكيناش اتمشي عند خدوج وقوليها تعطيني شي دوا.
سكينة : صافي واخا اعمي خرجات عاوتاني كانت جاية الله تنصب لعشا صدقات اترجع عند خدوج خرجات مداتش معاها لحمار خلاتو مربوط وزادت غاديا وتجر فرجليها حتى وصلات عندهم كانت دنيا صاقلة فبحال هاد لوقيتة كلشي كيدخل قليل فاش تتلقاي شي جماعة ديال رجال مجمعين ولا عيالات كالسين فلعتبة دلباب مشات غادا لدار خدوج تاوصلت ودقت .... عفوا ماشي دقت هرسات الباب..🤦🏻♀️
أنت تقرأ
القلب ومايشاور❤️مكتملة❤️
Romance💎مكتملة💎 ❌حصرية على الواتباد❌ 🌟القلب و مايشاور 🌟 🌟رمضان كرييم على جمييع المسلميين 🌟 🕯ايوا كيقولو ناس زمان " القلب مايشور " كانو المغاربة الحرار و الرجالة الكبار لي بشلاغمهم لابغاو مرة الدااار لي تصونهم و تصون عراضهم مايقربوش لبنت المدينة و ل...
