القلب ومايشاور❤️مكتملة❤️

❤️الجزء 28❤️

القلب مايشاور 😂⁦❤️⁩الحزء28
بقلمي :#وفاء_السمري
مشات لجبهت طبلة لقات الحاج المعطي ومشات سلمت عليه وكلست
عويشة: واش مغيجيش ادم
سكينة: لا غيجي غير لقيتو كيلبس كاليا هانا هابط
عويشة: اه اوا صافي نتسناوه.. بقاو شي تيشوف فشي حتى تم هابط ادم بمشيتو الرجولية  مشا عند باه باسليه راسو وكلس ودوا بصوتو الحرش
ادم: علاش مبيديتوش الماكلة
عويشة: اوا اوليدي كنا نتسناو فيك تاتهبط وناكلو المجموعين او نيت الحاج جا فلوقت
المعطي: انا غناكل منتسناكم كاع.. هز المعيلقة وبدا كياكل حتى ادم هكاك من غير عويشة هي لب بدات تاكل بيديها رفيسة
عند سكينة لي بقات تتشوف فيهم علاش مكياكلوش بيديهم من غيرها حشمات تاكل تاهي بيديها وهي غاخدامة هزات المعيلقة وبدات تتاكل.. عويشة لي هزات راسها لقات ادم حاضيها وكيشوف فعينيها وهب كتاكل حنات راسها وضحكات
عويشة: بنتي سكينة واخا تمشي تجيبي ليا لما
سكينة: واخا اخالتي انا نايضة.. ناشت سكينة وعاودات عويشة شافت فأدم لقاتو متبعا بعينيه
عندم ادم لي معرفش مالو اي حركة كديرها سكينة كتعجبو غمض عينيو وحاول انه ميديرش بلي كاينة معاهم او كمل ماكلتو حتى رجعات سكينة فيديها لما وعطاتو لعويشة
عويشة: شكرا ابنتي الله ارضي عليك
المعطي: اوا ابنيتي ياكما عيتي ولا شي حاجة
سكينة: لا لا معييتش ربي اخليك زوينة داركم
عويشة: ههههه دبا تولي ليك ابنتي
كلهم دراو تيشوفو فيها مستغربين
عويشة: لا زعما ماشي هاكاك ءء اصلا كنت داويا غامع راسي كملو ماكلتكم
ادم: مهم انا شبعت الله اعطيك الصحة الواليدة ماكلتك ديما بنينة
عويشة: ماشي انا لي درتها اوليدي سكينة لي دارتها
ادم فاش سمع هاكاك ندم علاش دوا حيت مكيتحاملش معاها
ادم:  ا انا طالع نكمل واحد لخدمة عندي
المعطي ناض تاهو: تانا خاصني نمشي نخرج عند شي رجال مهم دوزو بخير بلاسمة ابنتي وسلمي على الحاج
سكينة: واخا اعمي مبلغ بسلامة
مشا الحاج بقات غير سكينة لي ناضت تتمسح فطبلة او عويشة لي كتهز فلماعن لي بقاو فوق الطبلة تاسلاو كلشي ومشات بطلتنا غسلات الماعن ومشات عند عويشة باش تعلمها بلي اتمشي لدار...