القلب ومايشاور❤️مكتملة❤️

❤️الجزء 70❤️

القلب مايشاور😂⁦❤️⁩الجزء70
  وصلو لفيلا هبطو من طونوبيل مشاو دخلو لقاو لخدامات كيحطو فلغذا فطبلة
سكينة: انا بعد واتغديت مافيا لي ياكل
عوشة:حتى انا ابنيتي كرشي اتفركع انطلع نتكا شوية بينما لعشية نرجعو لدوار وليدي ادم حتى انت طلع رتاح شوي
ادم: لا انا عندي شي خدمة غير سيرو نتوما حتى لعشية ورجع باش نمشيو
عويشة:واخا اوليدي سير الله اعاونك... خرج ادم وخلاهم هوما طالعين عويشة مشات تساراح وسكينة مشات لبيت ادم تشوف دخلات كتسلت لادنا تكون شي كاميرا مشات لماريو تاعو وا فكاتو بدات تبقش وتهز لحوايج وتشم فيهم(لا هادي وصلات تالشمان 😂) حطات داكشي كيفما كان ومشات لدوش تاني حتى كملات تبقاش وخرجات من لبيت هابطة لتحت تشوف متاكل جاعت فنص ساعة مشات لكوزينة لقات تما شي خدامات مداتهاش فيهم مشات نيشان لتلاحة تبقش علاش متاكل وهوما غير حاضينها
سكينة: مكين هنا طويجين لا رفيسة شفت غاشكلاط ولحلاي وانا فيا جوع
لخدامة:شنو بغيتي الالا نصيبو ليك
سكينة: صافي بلاش انا غنهز من هادشي بعد يقدي شوي دجوع...كلات حتى شبعت ومشات تضرب ضويرة فالدار متفلتش الفرصة...حتى جا آدم وعويشة هبطات عندهم
سكينة:انا غنمشي دابة بسلامة عليكم
عويشة:صبري نوصلوك العشية هادي وبدا يضلام الحال
سكينة:واخا امي عويشة
عويشة ضارت عند آدم ترمش فيه تاني زعما توصلها حتى هوا ماكانش عندو شي اعتراض...ركبو فاللوطو وكسيرا...وبطبيعة الحال عويشة حتى هي كاينة معاهم. ..وصلها قدام دارهم وهبطات معاها عويشة وهو بقا كيتسناها
عويشة:بقات يوماين انشاء الله ويكون العرس...تهلاي فرااسك ولا حتاجيتي شي حاحة قوليها ليا ابنيتي متحشميش
سكينة:لهلا يخطيك عليا امي عويشة