القلب مايشاور😂❤️القلب ميشاور75
حتا دخل لعريس زيين اشقشق وجلابة المغربية زادتو جماال على جمال مكينش بنن لمرا تشوفو ومطيحش دخل سي ادم بزغاريت وحاضينو لعينين من كل قنت مشا جلس حدا سكينة لي غتموت بلفرجة وعلا راه نهارها هذا شكون لي ميفرحش فنهار فرحو جات نكافة بدات تتنقش لسكينة وتقول ليها ديري هاكا وديري هاكا حتى جبدات لكتاب ووراتها نقشة لي باغا وادم حاضيها كالها بعينيه حمقاتو ومع القفطان المغربي بانت تتحمق واتاها تامن لماكياج صرعوه هزات عويناتها فيه لقاتو حاضيها تبسمت ليك وحدرات عينيها وحناكها توردو
ادم لي هز ايدو وحطها على حنك سكينة وداز لشعرها رجعو ورا ضهرها وهادشي كامل على عينين شي بنات مكيحملوهاش كون كانت عينيهم قرطاش كون كل وحدة تيرات فيها اما عبد الحق لي حاضي كلثوم وتاهي تتبدالو نفس شوفات كون كانو وحدهم امشي اعنقها كاع
عند سكينة لي كملات نقيشها وفرحانة تهز ايدها من هك وترجعها لهك
عادو زغرتو وشطيح دايرين شعبي كاع لعيالات ناضو اشطحو حتى وصل ليل لي كانت سويكين ليوما تبان على صحابات دوار دخلات هي وخدوج لبيت لاش تبدل وتمشي لقاعة جبدو ليها تكشيطة ديال العرايشات لي تقولي ليها الله اعطيك صحيحتك عويشة لي ختارت بدلو ليها وصاوبو ليها لماكياج لي كان عاطي لعين عكر حمر هو هذاك او فوق عينيها بنفس لون تكشيطة او ايلاينر وفاراجو وهزو ليها شعرها لفوق بحال لوريدة ودارو ليه تاج لي كان كبير وعاطي لعين وطالو معاليش بزاف علماتو ليها خدوج خرجوها غادين بيها لقاعة لي كانت مجهزة تقولي ماشي فلعروبية طبالي لي كل وحدة منقوشة بذهبي ولكراسا بحال طبالي لقاعة كتحمق كلشي جاهز فيها والماكلات لي حطيتي عليها عينيك احوالو شافو لعروسة خارجة وبداو بزغاريت ودقايقية كلشي ناض كيطل حبت لعروسة جايا ادم لي كان كالس كيتسنا فيها حتى سمع صوت قاد لكلسة ورجع شوي شعرو لور حيت كيطيح ليه على وجهو....
جات كلسات حداه بقا حاضيها محيدش عينو عليها حتى يدا شطيح ورديح كلشي ناشط تامن خديديج حايدات طالون لي كانت لابسة وناضت تتشطح وواحد لواحد حاضيها من واحد طبلة مجموع فيها تيتيز (عائلة لعريس هادي احم🙄) بقاوو سويكين كل وقت تنوض تبدل تكشيطة حتى وصلات لاغوب لي كانت كلها محجرة ومزيرة من جيهة الخصر او هابطة علكتاف وطويلة شادينها ليها بنات صغار من لور لابسين تاهوما لاغوب مشاو قطعو لحلوا او دارو اغنية هادئة خاصة للعرسان ناضت سكينة وادم كيرقصو وكل شي حال فيهم فمهم ... سالا لعرس وبداو ناس كيخرجو وشي وحدين كيتسناو لعروسة حتى تخرج بداو تيتسالمو وسكينة وخدوج معانكين كيبكيو واخا كيضلو اضاربو ولكن راه ترباو فنفس دوار ومن صغرهم دازت لعبد الحق لي كان تاهو كيمسح فعينيه مابغاش ابين بيها تعانكت معاه ومسحات دموعها ورجعات عند ادم لي كان كيتسناها فرونج روفر بلكحل خيالك ايبان فيها ركبات حداه او بدات تدير لعويشة وخدوج باي باي مسخاتش بيهم تحركات لوطو وسكينة حطات راسها على جاجة شافها ادم وضحك
ادم: امم حبيبتي مالها
سكينة تصدمات من لكلمة لي قال ولكن كيبقا راجلها قلبها من لداخل ايطير بلفرحة: لا والو غير غنتوحش خدوج او عمي
ادم شد ليها من ايدها وقرب وجهو لحنكها وطبع فيه بوسة حستات بسخونية وغمضات عينيها بعد وجهو او دوا
ادم: متفكري دبا فحتى حاجة انا دبا ندير ليك اي حاجة بغيتيها
سكينة:ادم بغيت نسولك
ادم كيسوك وجاوبها:امم
سكينة: هاديك صوفيا لي كنتي تتبغيها واش باقا معاك
ادم جابتليه ضحكة: هههههه لا مبقيتش معاها اصلا نسيتها واش عايشة ولا حية غير متفكريش فيها صافي... بقاو غادين حتى وصلو لكازا وضواو تاع لوطيلات بقات سكينة غاحالا قمها حتى وصلو لواحد جيهة راااقية بزاف فيها غاطونوبيلات لواعرين او لفيلات وقفت لوطو؟ ادم قدام واحد لفيلا كبيرة نزل ومشا عندها فك ليها لباب ونزلات مشاو داخلين لكارو فكو ليهم لباب وهو يتحنا ادم وهز سكينة هي لي بدات تضحك عجبها لحال دخلو بدا غادي مطلعها لفوق لبيت دخلها وسد لباب برجلو وحطها فوق ناموسية وطبع قبلة ففمها طويلة خلاتها تبورش هزات فيه عينيها وضحكت كملات ليلة ديال عرسانا....
من بعد تمنية شهور كانت سكينة كرشها قداش عندها توام بنات او ادم كالسة فلكوزينة كطيب حيت غيجي عمها وادم لي ايدور ويبوسها حتى سمعو دقان مشات سكينة تتجري وشادا فكرشها قكت لباب كانت عويشة او لمعطي او حتى عبد الحق لي تزوج بكلثوم وحتى خدوج لي داخلة لابسة جلابة ومعاها الياس لي كان فلعرس حاضي خدوج وحتى هي حاملة فشهرها لول دخلو وكلشي فرحان مشاو كلسو فطبلة لي كانت فيها انواع الماكلة خدوج لي غاشافت لحم بلبرقوق مشات تتجري كلسات هي لولا كملو ماكلتهم وناض ادم جبد واحد لكاسيطة وشعلها فتلفازة كانت تصاور فاش شالله تزوجو ولحنة كلشي كيضحك ويتفرج حتى غوتت سكينة لربي لي خلقها وشادا فكرشها
سكينة: ااااا عيباد الله كرشي لوجعع لوجع
عويشة:ايولي ابنتي ياك باقي شهر عاد تولدي
سكينة: هننننن واتوما راه غنولد خلاص شيحد اعتق.....
النهاااية
أنت تقرأ
القلب ومايشاور❤️مكتملة❤️
Romance💎مكتملة💎 ❌حصرية على الواتباد❌ 🌟القلب و مايشاور 🌟 🌟رمضان كرييم على جمييع المسلميين 🌟 🕯ايوا كيقولو ناس زمان " القلب مايشور " كانو المغاربة الحرار و الرجالة الكبار لي بشلاغمهم لابغاو مرة الدااار لي تصونهم و تصون عراضهم مايقربوش لبنت المدينة و ل...
