القلب ومايشاور❤️مكتملة❤️

❤️الجزء 53❤️

القلب مايشاور😂⁦❤️⁩الجزء53
صبح الصباح كلشي جابد عليه قلباتهم الشحمة دالحولي.... سكينة ضرباتها الفيقة حتال10 ونص...ناضت كتحك فراسها وشعرها مدلي مسرسب قايس اللخر فضهرها...خلاتو مطلوق ودارت فولار على راسها...غسلات وجهها وبانت ليها خديديج مزال حالة فمها مشات عمرات كاس لما وجات تكبو عليها  فاقت مخلوعة
خديديج: راجلي حبيبي ركبتي ليا الخاتم
سكينة:نوضي نوضي تكعدي كالك راجلك راكي غير كنت تتحلمي نت اتبقاي بايرة
خديديج:هئ هئ حشومة عليك حتى كنت غادي نتزوج او حرمتيها عليا
سكينة:نت نوضي تفطري باش تمشي لخيمتكم دابة مك تكون دايرا عليك البراح وخرجات للكوزينة توجد الفطور والشخيير دعمها مسموع فالدار كاملة تقول غير تراكتور دايز من تم...مشأت عندو فيقاتو فطرو وناض خرج كيف العادة
مشات هي لبيت الما هزات جوج صطولة والتيد والحوابج الموسخين....خرجات وسدات باب خيمتهم  فجهة اخرى آدم كان نااض مع بوصبيح مشا حتال المدينة قضا شي شغال ورجع للدار
سكينة ضرباتها كعطة برجليها حتى دخلات فواحد الغابة صغيرة ورا الدوار...كان تما واحد الواد نقيي صوت الما كيتسمع فيه وهابط من واحد الشلال صغير وكاين الصخر بزاف....حطات دوك السطولة والحوابج لاحت شي فالأرض كبات عليهم التيد والما داايز تحت رجليها....هزات البيجامة عقداتها عند جنبها وبقا كيبان كولون ديالها كحل والسيقان بااينين كيبريو واخا عروبية مهلية فراسها وديما نقية تحنات وبدات تفرك بيديها ماكاين لاماكينة لا والو...الما كيترش على وجهها لي فزك ورجليها خلاص...باقة كتصبن حتى جاو شي بنات قدها تلاتة هازين سطولتهم وحوايجهم لقاو عليها السلام وبعدو شوية كيصبنو حتى هوما ويهضرو