القلب ومايشاور❤️مكتملة❤️

❤️الجزء 2❤️

الحب مايشاور😂❤الجزء 2
بقلمي: وفاء السمري
جرات ديك البغلة قااجاها ورجعو تاني مع ديك الطريق المحجرة والعكبات ماكاينش شي طريق مسرحة...
سكينة:(وقفات ليه فطريق)عمي هاني غادة نسكي الما من الساقية كمل الطريق وحدك
عبد الحق: سييري سيري واابقااي تمااك حتى يعكب يطيح الليل تاني حتى تشييري...
سكينة: واخا واخا العميم هاني مشيت (تمات غادة ماشي غادة كي خلق كتشتف تارجع العم هضر بالغوات مكيعرفوش يهضرو بالشوية هادو هوما ناس العروبية)واااا ساااكينة هااه...فاش تكوني جاية طركي الحاج ساالم كوليه يجييب ليا دييك الأمانة ديال الحصااد عاشا بنتي
سكينة:وااخاا دابة نطركو فاش نكون عاكبة الخيمة(عاودات نفس هضرتو هههههه)
جراات تاني داك البغلة ولا منعرف حمار حاشاكم ديما معدبااه معاها....وشدات الطريق من جيهة أخرى تاني حتى وصلات لواحد البلاصة وسط الديور الصغار مبنيين بالطيين والحجر علاين يريبو والناس عايشيين غير بالله الله. ...والوسط كانت سقااية متوسطة بالزلييج الزرق والبيض كاع مهرتكة فيها روبيني واحد مصدي ومدلي قريب يطيح...لقاات غير بنت لي كتعمر فواحد السطل. ..ومشات حتى هي ربطات الحمار مع واحد العمود ومشات لواحد الدار فحال كاع الخربات لي تما مدوزين فالباب غير الخامية حيداتها ودخلات طالقة الحلوق
سكينة:خدوووج وااا خدوووج. ...افيينك اخانزة البيطان هاه
خرجات عندها بنت تكون كبر منها بشي عاماين لابسة بيجامة طويلة باهتة بالتصبين وعاكدة راسها بفولار كاروات. ..
ويديها هازاهم الفوق فيهم العجينة
خدوج:اشبغيتي اكحلة العفطة لا كانت شي تنوعيرة من تنوعيراتك اسيري فحالك ...
سكينة:بغييت ليك هرمااكة...تي أري ليا بوديزاتي خنعمر الما ونمشي فيحالاتي
خدوج:دوزي هزيهم راهم فبيت الخزين
لي سمع بيت الخزين يقول هنا نبات وهو غير واحد البنيقة حاطين فيها القش هزات شي ربعة البوديزات بيضين كباار وزادت خرجات رجعات للسقاية لقاتها خاوية والحمار مازال مربوط حداها كيهرنط..حطات البوديزات فالجنب وهزات غير وحدة منهم ويالاه باغة تحط قدام الروبيني حتى بانت ليها سبقاتها شي يد حطات بووديزة أخرى....وهي بقات بلاكة معلقة يديها ببوديزتها....كمشاات حجباانها حتى كمشااتهم ودارت ناوية على خزييت سادة عيين وحالة لاخرا فحال الغمزة ويديها شادة بيها الفولار فوق راسها كيزلق....لقات وحدة من بناات دوارهم هازة زنافرها لسما نافخة سدر كي بلارج وتكلماات.
فاطنة:ساكينة تهزي انا لي سبقتك
سكينة ضارت ليها بالعرض بطيئ شافت ديك شوفة ديال ضبرتي عليها شمرات علا درعانها وشنقت عليها..
سكينة:شناهو كتقلبي عليا ابنت يزا قسما عضما (كدي وكتجيبها بحالا كتنخض اللبن..) ماتهزي كراوعك تانفرج فك دوار..
ودارت يديها على جنابها تنفخ وتفش تسناها تجاوبها..
اما هي خلعة ركباتها من صبعها صغير ولاكن باقة دافعة جبهة
فاطنة:تي شتك ضسرتي طلقي من اساكينة ولا نفرس ختي (من نيتك اﻷخت اوا دابا ضبرتي عليها سكينة فرسيها رفسيها مندخلش فك..)
سكينة:ياك اتريكة ربعمية مكمشة وتعالي نوريك...
اوا تلاحت ليها على زيف جراتوا بان شعرها مشعكك لي شاد ريزيوات موغريب جراتها منو خشاتها تحت روبيني تا فزكت ليها شعرها مزيان بقات شداتوا لواتو على يديها طيحاتها اﻷرض بدات تجرجر فيها فاﻷرض ضرب ليها راسها بالساكية تا سال راسها كلوا دم وجهها تجخمر طراب محات ليها ملامح تلفت فجنابها ملقات حد لاحتها حدا رجليها اما هي سخفات مبقا عندها جهد لغوت اما سكينة عمرات بوديزاتها وحملاتهوم لحمار ضارت عندها..
سكينة: وهادي باش باقة تجبدي لالاك سكينة وتعاكسيها ...
جرات حمارها تحركات كأن شيئا لم يقع😌