القلب ومايشاور❤️مكتملة❤️

❤️الجزء 16❤️

القلب مايشاور😂 ❤ الجزء16
بقلمي : #وفاء_السمري
آدم: فاااااك فاااك..
هو يهز راسو يشوف شكون مول الفعلة ملقا حد حتى حدر راسو لقاها طايحة مكربعة شعرها اأسود حريري مطلوق عليها  هو يركلها
آدم:هييه نوضي نتي ..
اما سكينة لي طاحت على وجهها كتعاير فخديديج اتا حست بشي حد ركلها هي تشعل قرودة بداو يشطحو فراسها نايضة ناوية علا خزيت
اما آدم لي خاسر كيعاين فيها غير تنوض ليوم يجفف بيها اﻷرض يالاه ناضت تقابلو وجهوم مع بعض ونطقوا..
آدم:نتي
سكينة : نتا. .
آدم (بعصبية): واش من نيتك نتي تابعاني تا لهنا قبيلة دفعتيني فالما ودابا كابة عليا جافيل شوفي حوايجي كيرضيتيهوم.. واش نتي بلوة سلطها عليا الله
اما سكينة كطلع فيه كيولات حالتو حوايجو لي كانو كحلين رجعو مطبعين بجافيل  خافت يجريو عليهاا عمها يقتلها..بقات اكتشوفيه وجهها حمر..
أما آدم سها فيها لي وهلا كيشوف فتقاسيم وجهها وحنيكاتها موردين فيمها طبيعي جاتو فشكل حيت ولف بنات غا سابغات ريوسهوم نافخات قنانفهوم اما هادي لا كولشي فيها طبيعي...سرعان متفكر اش وقع هو يتشقلب عليها تاني بدا تيغوت..
آدم :وا نم شتك سكتي تقطع لك لسان..
سكينة:س س سمح ليا غير بيجامتي طويلة وعكلاتني ..
آدم: تفو على نهار كيداير
هو يحيد تريكو بقا عريان من الفوق اما سكينة دهبت في خبر كان كتشوف فالفورمة ليزابدو لحم لبرونزي دابت حسات بالحرارة طالعة معاها اما هو شافها فين كتشوف هو يلوح عليها تريكو..
آدم:دي هاذا لوحيه ... زاد خلاها كتبقلل
سكينة:اااه اقلبي هاذ زين معرت مالو معندناش فدوار عندنا غا مخنين شوف لك بقلاوة كيدايرة أستغفر الله نمشي عند عمي حسن ليا مشات دات تريكو معاها...