القلب ومايشاور❤️مكتملة❤️

❤️الجزء 39❤️

القلب مايشاور😂⁦❤️⁩الجزء39
بقلمي:#وفاء_السمري
عبد الحق: الحاج المعطي الله اكثر خيرو عطاني شي براكة ومشيت شريتو مانبقاوش كاع خاسرين فلوسنا غافدجاج
خديديج مشات تتوشوش فودنين سكينة: امتا ادبحوه بغيت ناكل
سكينة: صبري حطي قاعك فالارض وتسناي ونتي تموتي على كرشك
.. مشا العم دخل للكوزينة يقلب على الجنوية وتبعاتو سكينة خلاو الحولي مع خروج وناري كلاتو بالنغيز والتخوار كون كان يهضر كون قال ليها كوني تحشمي
عبد الحق:فين الجنوية
سكينة:غتدبحو داابة اعمي
عبد الحق:لا تال العام الجاي....تيي فين الجنوية ا تريكة القنب
سكينة:راهيا تحت التلاجة
مشا جبدها وبدا يمضي فيها وهي واقفة عليه
عبد الحق:سيري وجدي البانيووات ودااكشي
مشات تاهيا تجبد شقال ليها
خرج عبد الحق بعدما مضا داكشي جبد التيو دالما كيعمر فالسطولة وسكينة غادا جاية تشقا تاهيا....
تسنا شيي دراري جاو يعاونوه باش يدبحو حتى دخلو ومشاو خرجوه تاني وكلشي حاضيه تقول الملك لي غيدبح....
اما آدم كان رجع فحالو للدار وتلقات ليه مو مدات ليه واحد البسيطيم صغيير ديال الجلد
عويشة:الله يرضي عليك اولدي لما دي هاد البزيطيم لسوكينة نسااتو مسيكينة الله يعطيك الستر
آدم زفر هاد سكينة خرجات ليه من الجنب خدا البسطام وتم راجع تاني على وعدو وسعدو.....
نرجعو لهادوك لي مزردين بحولي بلا مناسبة...
عبد الحق واقف قدام داك الحولي والدراري شادينو وسكينة واقفة قدام الباب هي وخدوج يتفرجو...سما الله وتكا علبه بواحد الدبحة ديال الغدايد...طلقوه ورجعو لور مخليينو يتركل...قرب عبد الحق كيمسح فالدم دالجنوية فالصوفة دالحولي والحولي يتركل يتركل حتى جمعها معاه بنص جابو مجبد فالارض والحولي بداك الحر دالموت وعاد الدبيح الملاوط ديال عبد الحق ماغرقش الجنوي بقات فيه الروح...ناض وبدا يجري والدم يقطر كولشي حماها غوات وناض عبد الحق يجري شاد من جنبو كلاها فعضامو...سكينة واقفة حدا الحيط  غاتابان ليها الحولي قاصدها يجري تزيزنت وتبلوكات فبلاصتها مسكينة باقة مصدوومة والحولي قرب ليها غاتاتجرات من يديها والحولي دخل فالحيط  وطاح مكسل فالأرض كيخرخر.....