القلب ومايشاور❤️مكتملة❤️

❤️الجزء 25❤️

الحب مايشاور😂⁦❤️⁩الحزء25
بقلمي وفاء_السمري
اصبحنا واصبح الملك لله فاقت زينت البنات تتكسل الوحه زين خلاوها ناس القدام ولبغا اشوف الزين اشوف البنت منين تتفيق من نعاس كل حاجة فبلاصتها مكاين لاتركاب لامكياج حتى تم عبدالحق مدخل جوج فرارج كل فروج انسيك فخوه...
سكينة:عمي اشهادشي
العم:تقلية....راك كشوفي فيهم دجاجات....هاكي ديهم للكوزيينة
سكينة:واخا ااعمي
خداتهم من عندو حطاتهم فالكوزينة ورجعات عندو
سكينة:ماقلتيش ليا لاش دوك الدجاجات
العم:ليووم نشااعلاه غنزردو عند خيمة المعطي
سكينة:شكون المعطي (1-0😁)
العم:تي جاك الزماايمر ولا شنو...المعطي رااجل عويشة مول الفيرمة
سكينة:ااه عرفتو....
العم:غتهزي دابة تي دي الدجاج للدار تطيبي لينا شي قاصرية دالرفييسة نتعشاو بيها....قالك توحشو ماكلة البلااد وااحمري ليا وجهي منخافش عليك طيابك بنين
سكينة:واخا اعمي
العم:يالاه عافا بنيتي سيري دابة يالاه تكملي شغلك
حركات ليه راسها ومشات لبيتها خركات عليها جلابتها وفولارها فراسها وهزات الدجاج وشدت الطريق لدار المعطي...وصلات فالباب تلاقات مع آدم خارج ضرب فيها تخنزيرة وكمل طريقو لطوموبيلتو ركب وكسيرا خلاها واقفة عند الباب وتنگر....
سكينة:وجه لوييل يخنزر فيا واكلة ليه ورث بااه ايف على بنادم
هزات يديها كتدق بغيت نقول كتخبط فالباب. ...حلات عليها عويشة غير شافتها وتبسمات لييها
عويشة:أهلا أهلا....دخلي ابنتي دخلي
سكينة:لاباس عليك اخالتي
عويشة:الحمد لله ابنيتي الصحة غادة وكتقادا شرفنا
سكينة:ماتقوليش هاكاك مازالة شبااب...جيت على قبل الطياب (هزات ليها الميكة عند وجهها) سيفطني عمي نصايب الرفيسة
عويشة:مرحبا مرحبا...داركم ابنتي راه داك الباب دالزاج هو ديال الكوزينة كوولشي فيها وإلى بغيتي شي حاجة عيطي ليا
سكينة:اه واخا شكرا اخالتي
مشات دخلات للكوزينة مخلية عويشة حاضياها من اللور عينيها كيلوحو القلوبة واالو طارت معزة نزلت معزة هادي هي مرات ولدها بغاتها ليه وربي كبير....