القلب ومايشاور❤️مكتملة❤️

❤️الجزء 14❤️

القلب مايشاور😂 ❤ الجزء14
بقلمي : #وفاء_السمري
عبد الحق:تي تجمعي لي شافك مترعة داك درقوش يقول غا عمرها شافت الخير
سكينة:وراه عمري شفت الخير عمي تي بيلة (فيلة..) لي ساكنين فيها كيدايرة بحالنا حنا ساكنين فنوالا😏
عبد الحق:نوالا جامعانا ابنت الهم زيدي قدامي
سكينة:هاهيا غادة..
دخلوا هنا سكينة حلات فمها 200 درجة كتشوف فالفيلة كيدايرة من داخل كانت فيها دروج كبار فالوسط كاينة كلسة عصرية حداها كلسة تقليدية عاد زوج صالاات من كل جنب عاد فوق كاينين بيوتة دروج بالذهبي عاد بدات هابطة عويشة ومعطي بابتسامة واناقة عويشة باقة شادة فراسها سكينة غا حالة فمها فهاذ خير قدامها اتا وقفو قدامها هو يقرصها عبد الحق باش توكض هي دور عندو
سكينة:تا مالك اعمي غا بارك تقرص فيا ياك شي باس مكاين☹️
عبد الحق شاف فيها فضحاتو ومعطي عويشة كيضحكو على عفويتها🤦🏻‍♀️
هو يتكلم المعطي
معطي :تا مالك على بنيتة اعبد الحق مالك اصحبي ديما فزعي..حول بوك متجوجتي
عبد الحق:ياك اخيي اوا باز
سكينة:والله اعمي واخا معرفتش سميتك يا تا مكدبتي واحد فزعي مقال ليه ربي منين جيتي..
عبد الحق:سكينة تجمعي
عويشة كضحك وعاجباها
عويشة:ويلي تا غا خلي بنيتة فكراتني فلياماتي صغر
سكينة:هي تانتي كنتي عفريتة احياني عليك..
عبد الحق:سوووكااااينة😠
سكينة : صافي صافي هانا ساكتة عمتي عطيني ندير شي حاجة
عويشة:هانتي ابنيتي هزي هاذ قرعة دجافيل ديها لبيت صابون...