Unicode
အခန်း - (၂) : Beginner’s Instance (2)
ချန်ကျစ်ချူးခမျာ သူ အကြောက်လွန်၍ ရူးသွားပြီဟု ထင်မှတ်နေတော့သည်။
မဟုတ်ရင် လည်ပင်းဓားထောက်ခံနေရတဲ့ အချိန်မှာတောင် ရူးကြောင်ကြောင်အသံတွေ ဘာလို့ကြားနေရတာလဲ..? ပြီးတော့လည်း ကြားနေရတာက စိတ္တဇလူသတ်ကောင်ကို ဖက်နမ်းဖို့တဲ့..? လာနောက်နေတာလား..?!
သို့သော် အတော်လေး အစစ်အမှန်ထင်ရသော ထိုအသံသည် သူ၏စိတ်ထဲတွင် မြည်ဟည်းနေဆဲ။
[ထင်ယောင်ထင်မှားဖြစ်နေတာမဟုတ်ပါဘူး.. မင်း မရူးသေးဘူး..]
[အဲ့လိုထင်နေလည်း ကိစ္စမရှိဘူး.. တစ်ခါလောက်တော့ ကြိုးစားကြည့်သင့်တယ်လေ.. သူ့ကို နမ်းလို့ရမလား မေးကြည့်လိုက်..]
[မင်းလည်း ကြားတာပဲ.. သူ မင်းကို ချစ်တယ်လို့ ပြောခဲ့တယ်လေ.. သူ့ရဲ့ခံစားချက်ကို တုံ့ပြန်သလိုလိုနဲ့ နမ်းချင်ယောင်ဆောင်လိုက်ရင် သူ မင်းကို လွှတ်ပေးချင်လွှတ်ပေးမှာပေါ့.. အလုပ်မဖြစ်လည်း ဘာဖြစ်လဲ.. မင်းက သေတော့မယ့်လူပဲ အရှုံးမရှိပါဘူး..”]
ထိုစကားလုံးများကြောင့် နဂိုဖြူဖျော့နေသော ချန်ကျစ်ချူး၏ မျက်နှာသည် ချက်ချင်း နီရဲတက်လာတော့၏။ ဤသည်က ဒေါသကြောင့် ဖြစ်ပေါ်လာခြင်းသာ။
အရှုံးမရှိဘူးလို့ ဘယ်သူပြောလဲ..? အဖြောင့်တစ်ယောက်ရဲ့ ကိုယ်ပိုင်ဂုဏ်သိက္ခာကို ဆုံးရှုံးရမှာကွ..! ကောင်မလေးတွေနဲ့တောင် တစ်ခါမှမနမ်းဖူးတာ၊ ဒီသောက်ရူးကောင်နဲ့ လာနမ်းခိုင်းနေရလား..?!
[First Kiss လေးတောင် မရှိဖူးဘဲ သေသွားတာက အရူးတစ်ယောက်ကို နမ်းရတာထက် ပိုဆိုးမနေဘူးလား..? တစ်ဖက်လူက မင်းထက်တောင် ပိုကြည့်ကောင်းသေးတယ်.. အဲ့တာတောင် အင်တင်တင် လုပ်ချင်သေးတာလား..?]
လစ်..! သောက်ရူးကောင်စားလို့ သေချင်သေသွားပါစေ၊ ဘယ်တော့မှ မနမ်းဘူးကွ..!
“ဖောက်..!”
ခွဲစိတ်ခန်းသုံးဓားမှတဆင့် ကြမ်းပြင်ပေါ်သို့ သွေးတစ်စက်ကျသွား၏။ လည်ပင်းပေါ်မှ စူးရှရှနာကျင်မှုသည် ချန်ကျစ်ချူးအား အသိပြန်ဝင်လာစေပြီး သူ၏လည်ပင်းမှ သွေးများ ဖြည်းဖြည်းချင်း စီးကျလာသည်ကိုပင် မြင်နေခဲ့ရသည်။ ထိုအမျိုးသား၏ အေးတိအေးစက်အပြုံးသည် ခွဲစိတ်ခန်းသုံးဓား၏ အေးစက်စက် ဓားသွားပေါ်တွင် ရောင်ပြန်ဟပ်နေလေသည်။
YOU ARE READING
အသက်ရှင်နိုင်ဖို့အရေး အနမ်းတွေကို မှီခိုနေရဦးမယ်!
HorrorI rely on kisses to clear survival games. 90 Chapters + 9 Extras This is not my own. Totally Credited to original Author.