Unicode
အခန်း - ၃၂ : စွန့်ပစ်ဆေးရုံ (End)
မုန့်ခယ်နှင့် ဝက်ဝံရုပ်လေးသည် ကိုးလွှာအထပ်ကျယ်ကြီးထဲ ပြေးလွှားနေ၏။ လမ်းတစ်လျှောက် အစောပိုင်းက သူနာပြုများနှင့်လည်း ထပ်ဆုံခဲ့သေးသည်။ သူတို့က သူနာပြုခေါင်းဆောင်ကို သတ်ဖြတ်ပြီးနောက် ပုံရိပ်ယောင်ထဲတွင် ယောင်လည်လည်ဖြင့် လျှောက်သွားနေကြလေသည်။ မုန့်ခယ်မှာ သူတို့မမြင်အောင် ဂရုစိုက်ပြီး ရှောင်ရှားနေရသည်။
အချိန်မည်မျှကြာသွားသည်မသိ၊ အက်ကွဲနေသော လေဟာပြင်တစ်ခုကို ရုတ်တရက် မြင်လိုက်ရသည်။ မှန်တစ်ချပ် ကျကွဲသွားသကဲ့သို့ ပုံရိပ်ယောင်နယ်မြေ၏ အပိုင်းအစများသည် ကြမ်းပြင်ပေါ်တွင် တစ်စစီပြန့်ကျဲနေပြီး တွင်းနက်ကြီးတစ်ခု ဖြစ်တည်နေသည်။
“အဲတာ ထွက်ပေါက်ပဲ..” ဝက်ဝံရုပ်လေးက ပြောသည်။
ထွက်ပေါက်ကိုကြည့်ပြီး မုန့်ခယ်၏စိတ်ထဲတွင် အစောပိုင်းက ကြားလိုက်ရသည့် ပေါက်ကွဲသံနှင့် ကြမ်းပြင်တုန်ခါသွားတာကို ပြန်သတိရသွားသည်။ ဧကန္တ ကိုးလွှာကို ဖောက်ခွဲပစ်လိုက်သည့် အသံဖြစ်နိုင်ပြီး ပိုင်ရိလုပ်သွားတာ ဖြစ်နိုင်သည်။
ပိုင်ရိ မည်သို့လုပ်သွားသနည်း။ သူမ စဉ်းစားကြည့်သော်လည်း အဖြေရှာမရပေ။
ဒီလူက မရိုးရှင်းဘူးပဲ..!
အစောပိုင်းက ထိုယောက်ျားထံမှရလိုက်သော ခံစားချက်သည် တကယ့်ကို ကြောက်စရာကောင်း၏။ ထိုတစ်ခဏ ရှဲ့ယွမ်ဟွိုင်နှင့် ပြန်တွေ့သလိုပင် ခံစားလိုက်ရသည်။
မုန့်ခယ်လည်း ပုံရိပ်ယောင်ကိုးလွှာနယ်မြေမှ သတိထားပြီး ပြန်ထွက်လာလိုက်သည်။ ကမ္ဘာနှစ်ခုခြားသွားသည့်နှယ် ကိုးလွှာတွင် ထိန်လင်းတောက်ပနေသော်ငြား အပြင်ဘက်မှာတော့ ပိန်းပိန်းမှောင်နေသည်။
ဓာတ်မီးဖွင့်ကာ ပတ်ဝန်းကျင်ကို စူးစမ်းလိုက်သည်။ ထိုအခါ သူမက လှေကားရှေ့တွင် မတ်တပ်ရပ်နေပြီး သူမ၏နောက်တွင် အစောပိုင်းက ဖြတ်သန်းလာသည့် မြေအောက်လမ်းရှိနေကြောင်း သတိပြုမိလိုက်သည်။ ဤကား ကိုးလွှာသို့ မရောက်သွားခင် သူမနှင့် ချန်ကျစ်ချူး မြင်လိုက်ရသော နေရာဖြစ်သည်။
YOU ARE READING
အသက်ရှင်နိုင်ဖို့အရေး အနမ်းတွေကို မှီခိုနေရဦးမယ်!
HorrorI rely on kisses to clear survival games. 90 Chapters + 9 Extras This is not my own. Totally Credited to original Author.