Unicode
အခန်း - (၆၆) : တစ္ဆေသတို့သမီး (၂)
နေစမ်းပါဦး..! System က ဘာပြောလိုက်တယ်..? ဒီမင်္ဂလာဂါဝန်ကြီး ဝတ်ရမယ်လို့ ပြောနေတာလား..? ဒါကြီးကို မဖြစ်မနေ ဝတ်ရမှာလား..?
ချန်ကျစ်ချူးခမျာ ဂါဝန်ကြီး တကိုင်ကိုင်ဖြင့် အူကြောင်ကြောင် ဖြစ်နေရှာ၏။ ဦးနှောက်ချောင်ပြီး System ပြောတာကို နားကြားလွဲလေသလားပင် လျှောက်တွေးနေမိသည်။
[ နားကြားလွဲတာမဟုတ်ဘူး.. ကျိန်းသေပေါက် ဝတ်ရမှာ.. မင်းပေါက်ထားတဲ့ အင်္ကျီကို မင်းဝတ်ရမှာပေါ့.. အဲတာ ဘာထူးဆန်းလို့လဲ..? မဝတ်ဘဲ ဘယ်လိုသုံးမှာလဲ..? ]
System က အချက်ကျကျ ပြောလာသည်။ ချန်ကျစ်ချူးက မယုံကြည်နိုင်သည့် မျက်နှာဖြင့် မထိန်းနိုင်အောင် အော်ဟစ်လိုက်သည်။
"ဘာကို မထူးဆန်းရမှာလဲ..? ထူးဆန်းနေတာ အသိသာကြီးကို..! ငါက ယောက်ျားလေးလေ.. ဘာလို့ မိန်းကလေးတွေ မင်္ဂလာဆောင်ရင်ဝတ်တဲ့ ဂါဝန်ကြီးကို ဝတ်ရမှာလဲ..? အဲ့တာကြီးနဲ့ Winter Branch လက်ထဲကနေ ဘယ်လိုထွက်ပြေးရမှာလဲ..?"
ထိုသို့ပြောနေရင်း မျက်နှာပျက်သွားပြီး.. : "မင်း ငါ့ကို သူနဲ့ လက်ထပ်ခိုင်းမလို့တော့ မဟုတ်ပါဘူးနော်..?!"
[ မဟုတ်ပါဘူး.. ] System က ပြောသည်။ [ ဒီတစ်ခေါက် မင်း လက်ထပ်ရမယ့်လူက တခြားတစ်ယောက်ပါ.. ]
ချန်ကျစ်ချူး : "..........."
ချန်ကျစ်ချူး : "မင်းဘာပြောလိုက်တယ်..?"
[ ဟိုတစ်ခေါက်ကရခဲ့တဲ့ ငွေလက်စွပ်ကို မှတ်မိသေးလား..? အဲ့လက်စွပ်ပိုင်ရှင်နဲ့ မင်္ဂလာဆောင်ရမှာ.. ]
System က ဖြည်းဖြည်းချင်း ရှင်းပြသည်။
[ ငါမင်းကို မပြောရသေးတာရှိတယ်.. တကယ်တော့ သွေးစွန်းလက်စွပ်က Instance တစ်ခုကို အသက်သွင်းနိုင်တဲ့ သော့ပဲ.. သတို့သားက မင်းစုဆောင်းဖို့လိုတဲ့ Boss တွေထဲက တစ်ယောက်ဆိုတော့ အဲ့ Instance ကို အခုမရှင်းလည်း နောက်ရှင်းရမှာ.. ဘယ်အချိန်၊ ဘယ်နေရာမှာ Instance ကို အသက်သွင်းမလဲပဲ ကွာသွားတာပေါ့.. ]
[ Winter Branch ရဲ့ တည်ရှိမှုက နည်းနည်းထူးဆန်းတယ်.. သူလည်း မင်းစုဆောင်းရမယ့် Boss ဖြစ်နိုင်တယ်.. ဒါပေမဲ့ Instance ထဲကမဟုတ်ဘူး.. Photobook ထဲမှာလည်း သိမ်းမရတာ ဘာလို့လဲမသိဘူး.. ]
YOU ARE READING
အသက်ရှင်နိုင်ဖို့အရေး အနမ်းတွေကို မှီခိုနေရဦးမယ်!
HorrorI rely on kisses to clear survival games. 90 Chapters + 9 Extras This is not my own. Totally Credited to original Author.