Unicode
အခန်း - (၇၇) : တစ္ဆေသတို့သမီး (End)
မှန်အတွင်းပိုင်းကမ္ဘာသည် ပြင်ပလောကနှင့် ချွတ်စွပ်တူ၏။ တစ်ခုတည်းသော ကွာခြားချက်ကား ဘယ်ညာပြောင်းပြန် ဖြစ်နေခြင်းသာ။ ပရိဘောဂပစ္စည်းအတော်များများ နေရာပြောင်းသွားပြီး အလင်းရောင်ဖျော့ဖျော့ ရှိနေသည်။ ထို့ကြောင့် ချန်ကျစ်ချူးသည် မှန်အပြင်ဘက်တွင် ဓာတ်မီးကျကျန်ခဲ့သော်လည်း ဝေဝေဝါးဝါး မြင်နေရသေး၍ နံရံကို ဝင်မတိုက်မိပေ။
ထို့အပြင် သတို့သားက သူ၏လက်ကိုဆုပ်ကိုင်ကာ အချိုးအကွေ့များသည့် လမ်းတစ်လျှောက် ဦးဆောင်ခေါ်သွားသဖြင့် လမ်းပျောက်မှာကိုလည်း မပူရပေ။ ဝက်ဝံရုပ်လေးနှင့် ငွေဒင်္ဂါးက သူတို့နှစ်ဦး၏အရှေ့မှ လမ်းပြပေးနေသည်။ နှစ်ကောင်သား အချင်းချင်း ပြိုင်ဆိုင်ရင်း အရှိန်မြန်လာသဖြင့် သတို့သားက ဆူငေါက်လိုက်မှသာ စိတ်မပါလက်မပါဖြင့် အရှိန်ပြန်လျော့သွားကြသည်။
သတို့သား၏ အေးစက်စက်လက်ချောင်းများက ချန်ကျစ်ချူး၏ လက်ကောက်ဝတ်ကို ဆုပ်ကိုင်ထားသည်။ ချန်ကျစ်ချူးက သတို့သား၏ ဆွဲခေါ်ရာနောက် လိုက်ပါသွားရင်း အတွေးလွန်နေလေသည်။ သူ၏စိတ်ထဲ ရှုပ်ထွေးနေပြီး ‘Winter Branch’ ပြောခဲ့သည့် စကားကိုသာ ထပ်တလဲလဲ ပြန်တွေးနေမိသည်။
ဟိုကောင်ပဲဖြစ်ဖြစ်၊ တခြား‘ပိုင်ရိ’တွေပဲဖြစ်ဖြစ်……
တကယ်တော့ ချန်ကျစ်ချူးသည် ပိုင်ရိက လျှို့ဝှက်ချက်များပြီး သူ့ကို တစ်ခုခုဖုံးကွယ်ထားနိုင်ကြောင်း တွေးမိပြီးသားပင်။ ဥပမာအားဖြင့် Death Mode ရွေးချယ်ခဲ့ရသည့် ဆုံးဖြတ်ချက်နောက်ကွယ်မှ အကြောင်းအရင်း၊ ကမ္ဘာအစစ်တွင် အန္တရာယ်တစ်ခုခု တွေ့ကြုံခဲ့ရသလား.. စသည်ဖြင့်။
သို့သော် ယခုတော့ သူသိလိုက်ချေပြီ။ လွန်ခဲ့သောခြောက်နှစ်ခန့်က ပိုင်ရိသည် မစ္စတာမု၏လက်ချက်ဖြင့် ခေါင်းဖြတ်ခံလိုက်ရပြီး ခန္ဓာကိုယ်အစစ်မရှိဘဲ ဂိမ်းကမ္ဘာထဲတွင် ပိတ်မိနေတာ ဖြစ်နိုင်သည်။ သူက ဝိညာဉ်သပ်သပ်၊ သို့တည်းမဟုတ် နည်းလမ်းတစ်ခုခုဖြင့် ခန္ဓာအသစ်ရထားတာ ဖြစ်ရမည်။
YOU ARE READING
အသက်ရှင်နိုင်ဖို့အရေး အနမ်းတွေကို မှီခိုနေရဦးမယ်!
HorrorI rely on kisses to clear survival games. 90 Chapters + 9 Extras This is not my own. Totally Credited to original Author.