Unicode
အခန်း - (၉၆) : သွေးစွန်းဒဏ္ဍာရီ (ဇာတ်သိမ်း)
System က ချန်ကျစ်ချူးကို အာကာသပျက်ယွင်းမှုလမ်းကြောင်းမှတဆင့် နေရာကူးပြောင်းပေး၏။ ချန်ကျစ်ချူးတစ်ယောက် မူးနောက်နောက်ဖြင့် မျက်လုံးဖွင့်ကြည့်လိုက်သောအခါ သူ၏ရှေ့တွင်ရှိနေသော ခပ်ချောချောမျက်နှာလေးကို ဝိုးတဝါး မြင်လိုက်ရသည်။
အမြွှာစစ်သည်တော်...
သူ၏ဦးနှောက်က အလုပ်လုပ်တာ နှေးကွေးနေသဖြင့် တစ်ဖက်လူကို မှတ်မိရန် စက္ကန့်အနည်းငယ်ခန့် အချိန်ယူလိုက်ရသည်။ ထိုသူ၏နောက်တွင် နောက်ထပ်အမြွှာစစ်သည်လည်း ရှိနေသည်။
မျက်ဝန်းထောင့်မှတဆင့် အခန်း၏အပြင်အဆင်ကို အကဲခတ်ကြည့်၏။ တစ်ခါမှမမြင်ဖူးသည့် နေရာတစ်ခုဖြစ်ပြီး နောက်ထပ် ထူးထူးဆန်းဆန်းနေရာသို့ ရောက်နေပြန်သည်။
ချန်ကျစ်ချူးသည် ဘယ်နေရာရောက်နေမှန်း မသိသော်ငြား သူ၏အရှေ့တွင် စစ်သည်တော်နှစ်ဦးလုံး ရှိနေသဖြင့် အချိန်မဆွဲချင်တော့ပေ။ ထိုနှစ်ယောက်ကို နမ်းရန်ပြင်သည်။ ခေါင်းထဲမူးဝေနေတာကို အံကြိတ်သည်းခံလျက် အရှေ့ကလူကို လှမ်းဆွဲလိုက်သော်လည်း သူ၏လက်က တစ်ဖက်လူ၏ သံချပ်ကာအင်္ကျီကို မထိနိုင်ခင်မှာပင် လက်ပြုတ်ကျပြီး မျက်လုံးပိတ်ကာ ထပ်မံသတိလစ်သွားသည်။
မှော်မှန်ဝိညာဉ်လေးက စက္ကန့်ပိုင်းမျှသာ သတိပြန်လည်လာသည်။ ထိုအခြင်းအရာကိုမြင်တော့ 'အန်း'က လက်ကိုကိုင်ပြီး မှန်ဝိညာဉ်၏ မျက်နှာလေးကို မျှော်လင့်တကြီး ကြည့်လိုက်သည်။ သို့သော် မျက်လုံးထပ်မပွင့်တော့ချေ။
ဘေးမှာရပ်နေသည့် 'ခိုင်း'က မသိမသာ မျက်မှောင်ကြုတ်ပြီး.. : "ဒီအကြောင်း သခင်ခရစ်စ်ဆီ သတင်းပို့သင့်တယ်.."
"...... အင်း.." အတော်ကြာအသံတိတ်နေပြီးနောက် 'အန်း'က ခေါင်းညိတ်ပြသည်။
"သခင်ခရစ်စ်ကို သွားရှာလိုက်ဦးမယ်.."
'ခိုင်း'က မျက်နှာသေဖြင့် ခံစားချက်မဲ့နေဆဲ။ သို့သော် သူ့အစ်ကိုကိုကြည့်နေသည့် သူ၏အကြည့်ထဲတွင် မေးခွန်းအရိပ်အယောင်တချို့ ထင်ဟပ်နေသည်။ သူက တစ်ခဏတုံ့ဆိုင်းနေပြီးနောက် မေးသည်။ : "သူ့ကို ဘာလို့နမ်းလိုက်တာလဲ..?"
YOU ARE READING
အသက်ရှင်နိုင်ဖို့အရေး အနမ်းတွေကို မှီခိုနေရဦးမယ်!
HorrorI rely on kisses to clear survival games. 90 Chapters + 9 Extras This is not my own. Totally Credited to original Author.