بنت الكاريان والمشهـور الوسيـم

البارت : 2

🎵🌸بــنت الكريـــان والمشهـــور الوسيـــم🌸🎵

                🎵🌸صــــفقــــة زواج🌸🎵

💜🌸أحــــبـبــــت بـــســـاطــتـــك النــــــادرة🌸💜

بقلمـــــي وأناملــــي :🎶أميــمـــة مــاريبــوســــا🎶

الـبــــــــــــارت : 2
_لبسات حويجها وخرجات من بيتها حتا كتلاقا بمها....

خديجة : الله يا بنتي الله مزال مهداك الله تخرجي طبيعية
نهيلة : راكي عارفة اماما علاش انا هكا موهيم قولي لدراري يخرجوا باش يمشيو معايا فطريق للمدرسة
خديجة : غير سيري راه مزال عليهم لحال
نهيلة باست ماما فحنكها : يله بسلامة

_خرجات نهيلة من دار ولي دازت من حداه لكبير وصغير مرا ولا راجل كتسلم عليهم.... اوا راه شلوطية ديزة من درب مستحيل ميسلموش عليها.....

_وصلت للطوبيس وركبت فيه وكما لعادة  مستحيل شلوطية نهيلة تطلع للطوبيس ومداربش.....، بعد مدة نزلها طوبيس.... وهيا كتنكر حيت مبغاش يزيد بيها شوية (عند راسها راكبة فطاكسي كالك زيد بيا شوية ههه)

_بقات غادة حتا وصلت لعند با علال....

علال : اهلا بنتي
نهيلة وهيا كتنكر : سلام ابا علال
علال : متقوليش ليا تاني ضاربتي فطوببس واش مزال مهداك الله ديري عقلك
نهيلة : با علال انا نعود ليك وحكم شكون فيه لافوت
علال : يله هدري بما وجدت ليك دكشي لي وصيتيني عليه
نهيلة : طلعت لطوبيس معليا مابيا بغيت ندير عقلي ومنضاربش ، كان طوبيس عامر موهيم وقفت فواحد لبلاصة شوية وهيا تبان ليا مرة كبير واقفة وانا نمشي عندها وشديتها وبانت ليا مرة خرى قصدتها ولمقصود الله هدرت معاها بالأداب (وهزت يديها لفوق وقالت) وربي شاهد عليا قلت ليها شدي ولدك قدامك خلي لمرى تبرك هيا اش دارت شافت فيا وقالت ليا (كملت هدرتها وهيا كتعوج فهدرت لمرى) لا ولدي مخلصا عليه بلاصة حتا هوا ، انا هدرت معاها لمرة تانية وتالتة وهيا مبغاتش تفهم وانا نجرها من شعرها وحيدتها هيا ولدها من لبلاصة وبركت انا ولمرى ، و غاقوليا واش هدشي فيه شي موصيبة ولا غلطت هيا لي مكتسمعش لهدرة
علال : هههه لا لا نتي مغلطتيش
نهيلة : ونزيدك مول طوبيس عيت فيه يزيدني غير شوية باش تجيني قريبة باش نوصل عندك ومسخوط لوليديني حلف لا زيدني توقل بلي كيخلص لمازوط من جيبوا
علال : لا نتي علام شدي تقديتك لا ضوري ليا حتا انا هههه
نهيلة : حاشا ابا علال واش انا نبغي ليك شي حاجة خيبة انا راه مزيانة غير هوما مكيفهمونيش
علال : لقلب بيض ولكن يديك وفمك سابقينك
نهيلة هزات يديها لفوق : هذا معطا الله ، الله يهدينا يارب
علال : أمين ويهدي جميع بنات لمسلمين
نهيلة : أمين ، يله نخليك أبا علال خاصني نمشي ناس كيتسناو فالكموند تاعهم
علال : الله يعونك ابنتي
نهيلة : أمين

_خدات لكوموند من عند با علال وتوجهات للطوبيس ولابدا من لمضاربة و من بعد مدة وصلها لعند ناس لي موصينها على لكوموند.....