الـبــــــــــــارت : 6 يونس : اه عادي راني مغني نهيلة : ايه تفكرت..... بنت جيرانا ديما كتجبدك وكتصدع ليا راسي بيك.... عرفتي اش دار وعرفتي اش فعل انا بعدا كضرني فراسي يونس : امم نهيلة : يله بسلامة انا غادة يونس : بقاي حتا يجي شيفور ونوصلك وفنفس الوقت نكافئ على لي درتي معايا نهيلة ضربت على راسها : نسيت مسولتك علاش كانت ديك جوقة وكنتي مخبي...؟! يونس : كنت بلا لي كارد تاعي حيت كيعجبني نخرج بحال اي واحد بلا قيود ولكن مني شافوني هجموا عليا ومكان عندي حتا حل منغير انني نتخبا تحت لوطوا ديال شي حد نهيلة هزت يدها حتا لفوق وضربتها معا يدها لخرى وهيا كضحك : واااع وناري نتوما لي لبااس عليكم شحال كضحكوني عيشين لبخ ولفشوش وعندكم كلشي وكتقولوا ممرتاحينش هههه يونس قفزتوا بردت فعلها : ولكن حتا حنا كنبغيو نعيشوا بحالكم بلاما يبرزطنا شي حد ونخرجوا شي نهار عادي نهيلة بجدية : حتا حنا كنبغيو نعيشوا بحالكم ومنخمموش لشنو خاصنا ناكلو ولا منين غادين نجيبوا لفلوس باش ناكلوا يونس : حتا واحد ملقاها كيف بغاها نهيلة : معاك الحق يونس : واش كتقراي...؟! نهيلة : حبست حد لباك يونس : وعلاش ؟! نهيلة : حيت معنديش فمي معلقة تاع ذهب بحالك اسي يونس ياك (قالتها وهيا كتورك على الكلمات ) يونس : متزاديتش بمعلقة تاع ذهب فمي ديك المعلقة انا لي درتها
_وقفت واحد لوطوا واعرة.... كانت رونج روفر فلكحل.... نزل منها واحد راجل معضل....
يونس خدا سوارت من عندوا : غير خليها ليا انا لي غادي نسوك شيفور : وخا اسيدي يونس : شاف فنهيلة طلعي نوصلك نهيلة : لا غادة نمشي راسي يونس : بغيت نرد ليك معروفك غير طلعي
_طلعت نهيلة حداها اما هوا فديمارا لوطوا وتحرك.....
يونس : عارفيني عليك نهيلة : انا بنت عادية سميتي نهيلة سعيدي عندي 19 سنة حبست لقرايا مني شديت لباك حيت كنت مطرة صافي هاذي هيا أنا.... ونتا..؟! يونس : ههه كون كانت شي بنت خرى كانت غادي تكون عارفاني منحتاجش نعرف براسي نهيلة : كون كانت بنت جيرانا كون قالت ليك شي حويج عليك نتا موحال تعرفهم هههه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
