بنت الكاريان والمشهـور الوسيـم

البارت 52

🎵🌸بــنت الكريـــان والمشهـــور الوسيـــم🌸🎵

                🎵🌸صــــفقــــة زواج🌸🎵

💜🌸أحــــبـبــــت بـــســـاطــتـــك النــــــادرة🌸💜

بقلمـــــي وأناملــــي :🎶أميــمـــة مــاريبــوســــا🎶

الـبــــــــــــارت : 52
يونس وهوا كيقلي ليها فالسم : لا مبغيتش نمشي بغيت نهدر معا خطيبتي الآاااالة عندك شي مشكيل
نهيلة : أولا أنا ماشي خطيبتك بصح ثانيا عندي المشكيل حيث خاصني نعس باش نفيق غدا بكري ونوجد لسيادتكم الماكلة وفين تجيو تبركوا
يونس : اوا سيري تنعسي ومتنسايش حطي لينا الحلوة كلها هيا والماكلة راني خاصر فيها فلوسي الآلة
نهيلة : مجوعفش لاخر

_قطعت عليه وخلاتوا كيضحك حيث عصبها...

نهيلة وهيا كتعيب فيه : ومتنسايش حطي لينا الحلوة كلها هيا والماكلة راني مخلص فيها فلوسي الآلة... تفو على حمار عند راسوا راني خدامة عندوا ولا شنو

_بقات كتعير فيه فسرها ومن بعد نعلت شيطان وتقادت فالبلاصتها ونعست...

    ~~~~ أصبح الملك والملك الله ~~~~

_فاقت نهيلة بكري وفطرت وفطرت خوتها وصيفطتهم للمدرسة ولبست لبسها المعتاد وخرجت تجيب دكشي لي وصاو عليه لبارح لمرأة لي كتبيع الحلوة...

_بعدما وصلت خلصت المرأة وخدات من عندها دكشي لي باغا ورجعت لدار...

خديجة لي واقفة قدام لباب معا جارتها : أه غادة تزوج راه ليوم جيين الخطاب
نزهة : والله يسر ليها يله نهليك خاصني نمشي للخدمة راه يله نوصل
خديجة : اجي مضبريش ليا معاك على خدمة
نزهة بستغراب : مرحبا ولكن راك عارفة بنتك مغاداش تبغي وتبدا تعير
خديجة : لا صافي هيا غادة تمشي عند راجلها غي شوفي ليا معاك الى لقيتي ليا شي خدمة
نهيلة لي وقفت عليها وهيا مخنزرة حيث سمعت هدرتها : أشمن خدمة هادي بغيتيها تضبر ليك عليها وأنا مفخباري والو
خديجة ضارت شافت فيها : خدمة وصافي ابنتي مال الخدمة حرام
نهيلة : دخلي دخلي ونتفاهموا
خديجة : ولكن...
نهيلة وهيا مقاطعاها : دخلي اماما

_دخلات خديجة وهيا كتنفخ وخلات نهيلة لي مخنزرة فالجارة...

نهيلة هزت فيها صبعها : مي بعدي  عليها والحمد الله عند راجل ونص فالدار (ضربت على ضراعها) لي عمروا غادي يخليها تمشي تكرفس فالديور تاع ناس لي مفيهم رحمة ونتي الى بغيتي تمشي تخدمي باش تصرفي على لبغال تاع ولادك لي كتافهم عرض من كتافك بلا فيدة سير الله يسر ليك
نزهة زادت معا طريق وهيا كتنقر : دير خير ميطرى باس
نهيلة : ديري لخير غافراسك