بنت الكاريان والمشهـور الوسيـم

البارت 84

🎵🌸بــنت الكريـــان والمشهـــور الوسيـــم🌸🎵

                🎵🌸صــــفقــــة زواج🌸🎵

💜🌸أحــــبـبــــت بـــســـاطــتـــك النــــــادرة🌸💜

بقلمـــــي وأناملــــي :🎶أميــمـــة مــاريبــوســــا🎶

الـبــــــــــــارت : 84
يونس وهوا ساد ليها فمها : شووو حنا مزوجين تاع بصح وأنا كنبغيك ونتي كتبغيني منبغيش نسمع شي هدرة منغير هادي
نهيلة هزت ليه براسها بأه
يونس حيد يدوا على فمها : زيدي نمشي نتعشاو
نهيلة : غسل يدك ويله نمشيو

_جمعت العلبة لي فيها دوا ورجعتها لبلاصتها اما هوا فالغسل يدوا ووقف كينسناها تكمل باش يمشيو بجوج... بعدما كملت خرجوا بجوج عند الحاجة لي كانت باركة كتسناهم يجيو باش يبداو الماكلة...

يونس برك فالبلاصتوا : علاش مزال مبديتيش الماكلة
هدى : كنت كنتسنا فيكم
نهيلة بركت حدا يونس : راه هوا لي عطلني اخالتي والله
هدى ضحكت ونزلت راسها : مقلت ليكم خودوا راحتكم... (شافت فاليونس) غدا ديني للمطار باش نمشي بحالي لداري
نهيلة : علاش اخالتي واش حنا درنا ليك شي حاجة ولا قلقناك
هدى : حشا ابنتي واش درتي ليا شي حاجة غير صافي خاصني نمشي بحالي ونخليكم تعيشوا حياتكم
يونس : صافي حتا نطلع ونصوني عليهم يوجدوا طيارة وغدا غير نجي من الخدمة حيت عندي تسجيل تاع واحد الأغنية جديدة ونديك للمطار
هدى : لا ماشي بضرورة تعدب راسك نتا قولها غير لشيفور يوصلني
يونس : صافي وخا ندير معاهم وقت فالصباح باش تمشي مرتاحة
هدى : صافي الله يرضي عليك اولدي

_كلاو مجموعين وهوما كيضحكوا ومرة مرة يونس كينغز نهيلة... كان كيعجبوا كيفاش كضحك وتعصب مني يبرزطها وتولي باغا تلاح عليه ولكن عاجزة...ولا كيحس بشي حويج غير مفهومين معاها ولكن لي هوا متأكد منها هوا أنه كيعجبوا يعصبها وكيعجبوا يشوفها فالجميع حلاتها... ضحك..  العصبية... العجز وزيد وزيد...

_بعدما سلاو مشاو غسلوا يديهم ووقفوا حدا دروج باش كل واحد يمشي لبيتوا وينعس...

يونس وهوا محاوط نهيلة لي معصبة وكتحاول متبيتش لهدى : يله تصبحي على خير
هدى : تصبحوا على خير اولداتي

_طلعات هدى وخلاتهم هوما...

نهيلة دفعتوا عليها وهيا مخنزرة : تا واش جهلتي ولا شنو... متبقاش تقرب ليا ازمر
يونس تم غادي طالع وتكلم ببرودة : ان شاء الله تمشي الحاجة ونكمل معاك تمثيلية