بنت الكاريان والمشهـور الوسيـم

البارت 41

🎵🌸بــنت الكريـــان والمشهـــور الوسيـــم🌸🎵

                🎵🌸صــــفقــــة زواج🌸🎵

💜🌸أحــــبـبــــت بـــســـاطــتـــك النــــــادرة🌸💜

بقلمـــــي وأناملــــي :🎶أميــمـــة مــاريبــوســــا🎶

الـبــــــــــــارت : 41
_كانت واقفة حدا البلاكة تاع طوبيس حتا شافت طموبيل تاع شيفور وقفت وهيا تمشي عندوا وعطاتوا ساك باش يحطوا فالكوفر ديال طموبيل وهيا مشات ركبت فالطموبيل...

شيفور ركب حداها وضيمارا طموبيل
نهيلة : سلام
شيفور هز صبعوا عليها : سمعي نقولك من دابا غادة تسكتي ومتهدريش طول طريق راسي ضارني ومفيا  لي يسمع صداعك
نهيلة شافت فيه وهيا مصدومة : كيفاش مفيك لي يسمع صداعي مالي أنا كندير صداع ولا شنو... وهاز عليا صبعك من لفوق (قربت وجهها ليه) هاكة ضربني راه هدشي لي بقا ليك صافي
شيفور شد راسوا : الله ياربي هالعار لما سكتي وخلينا نمشيو هانين
نهيلة حيدت صمطة : وقف وقف خليني نزل وليتي تحكم فيا أنا اصلا الخدمة لي تحكم فيا معندي مندير بيها (ضارت عندوا وهيا هازة صبعها عليه) عرفتي أنا كنت خدامة عند كوافورة وديك هاري مدي جيبي ليا وكانت تديني وتجيبني على هواها خرجت من الخدمة سمعتي يعني مغاديش نوحل معاك... باغي تحكم فيا وتصحبني غادي نسكت ليك أنا راه مزال متزادش لي يسكتني أصلااا
شيفور تنهد وقال فخاطروا : الله ياربي أش داني نهضر ولا نتكلم اصلا
نهيلة رجعت ضارت صمطة وهيا كتعير تحت نيفها : واللهيلا قالك سكتي زوينة هادي

_طول طريق وهيا كتعير حتا وصلوا للڤيلا... شيفور راسوا كان مفروق أما هيا كانت معصبة من هدرتوا... هزات ساكها ودخلت وهيا كتنكر...

_دخلت للڤيلا وهيا كتسمع صوت صداع وتهراس الفوق حطات الساك تاعها وطلعت فدروج كتجري حتا وصلت للبلاصة تاع صوت لي كان خارج من البيت تاع يونس....

نهيلة مشات عند دادة لي كانت واقفة قدام الباب : دادة شنو واقع اش هاد الغوات
دادة وهيا كتبكي : معرفتش ابنتي يونس من قبيلا وهوا كيغوت ويهرس فالبيت وبغيت غير ندخل عندوا ومقدرتش

_دخلات نهيلة وسط داك الغوات باغا تعرف شنو لي وصل يونس لهدشي...

يونس غير سمع الباب تحل وهوا يضور لجهت الباب وهوا كيغوت : خرجوا قلت ليكم حتا حد ميدخل
نهيلة وهيا كتهدنوا بيدها من بعيد : بغينا نعرفوا غير مالك علاش كدير هكا