بنت الكاريان والمشهـور الوسيـم

البارت 32

🎵🌸بــنت الكريـــان والمشهـــور الوسيـــم🌸🎵

                🎵🌸صــــفقــــة زواج🌸🎵

💜🌸أحــــبـبــــت بـــســـاطــتـــك النــــــادرة🌸💜

بقلمـــــي وأناملــــي :🎶أميــمـــة مــاريبــوســــا🎶

الـبــــــــــــارت : 32
نهيلة خرجت من دريسينغ : لبستي موهيم هانا جبدت ليك شنو تلبس وخا حتا هيا ماركة واعرة ولكن هانية غالبسها
يونس خداها منها وبرك كيلبس : يله صافي غادي نمشيو دابا
نهيلة مشات هزات داك ساك لي كانت حاطاه فالأرض لا طبعا أجي برك حدا لمرايا نصوب ليك وجهك
يونس شاف فيها بستغراب : مال وجهي خاسر حتا تصوبيه
نهيلة بهمس : فمك اي خاسر
يونس : شنو قلتي
نهيلة : قلت ليك بلي خاصك تبرك نصوب ليك شعرك ونقاد ليك وجهك باش ميعرفك حد
يونس مشات حداها وبرك فالكرسي لي قدامها : اوك وخا فهمت

_حيدت ليه الكاسكيط وهزات واحد شعر مصطنع ديال رجال وركبتوا ليه من بعد هزات لحية مصطنعة ودارتها ليها وعدلت ليه وجهوا بشوية تاع المكياج...

نهيلة : صافي قاديتك وليتي كتشبه لشخص أخر كااع
يونس ضار كيشوف فالمرايا : مغاديش يعرفوني هكا زعما
نهيلة : لا متخافش كعما غادين يعرفوك يله زيد باش نخرجوا
يونس : نتي غادة تمشي هكا
نهيلة شافت فحالتها : أه علاش مال خالتي فيها شي حاجة
يونس طلعها ونزلها : زيدي يله زيدي
نهيلة : صبر نجمع هدشي ونتبعك
يونس : غادي تلقايني سبقتك
نهيلة : وخا صافي غير سير حتا نتبعك

_هبط يونس وخلاها كتجمع فالساك تاعها... بعدما جمعتوا نزلتوا للبيت تاعها ومشات خرجات كتقلب على يونس....

يونس لي كان بارك فطموبيل وغير شافها غوت عليها : نهيلة هانا
نهيلة قربت ليه وهيا مخنزرة : أش كدير هنا
يونس : راكب فطموبيل لي غادين نمشيو بيها
نهيلة : نزل احنيني نزل الى مشينا فهادي عول على راسك غادين يعرفوك
يونس : نزل من طموبيل : اوا فاش غنمشيو بسلامة
نهيلة : غازيد نمشيو على رجلينا والى لقينا شي طوبيس نمشيو فيه
يونس : اوك وخا

_خرجت نهيلة ويونس من لڤيلا....

نهيلة : أنا معارفاش هنا حيث عمرني جيت
يونس : متخافيش الى توضرنا نصوني على شي حد يجي يجيبنا
نهيلة : لي عندوا فموا ميتلف... إذا كعما تخاف