بنت الكاريان والمشهـور الوسيـم

البارت 64

🎵🌸بــنت الكريـــان والمشهـــور الوسيـــم🌸🎵

                🎵🌸صــــفقــــة زواج🌸🎵

💜🌸أحــــبـبــــت بـــســـاطــتـــك النــــــادرة🌸💜

بقلمـــــي وأناملــــي :🎶أميــمـــة مــاريبــوســــا🎶

الـبــــــــــــارت : 64
_قطعت معاه ومشات بركت قدام المرايا كتخربق فوجها كيف ديما باش تخرج حتا دخلت خديجة عليها باش تشوفها فين وصلت...

خديجة شافت فيها وهيا مصدومة : اش كديري اويلي انهيلة
نهيلة ضارت كتشوف فيها وهيا شادة البوماضة غامضة فيدها لي كدير منها لوجها لبيض : مالك اشنو درت انا
خديجة : واش باغا تمشي ضربي العقد بحالتك تاع ديما ولا شنو
نهيلة : اه علاش شنو فيها
خديجة مشات عندها بعصبية وحيدت ليها البوماضة من يدها : لا مفيها والو نوضي غسلي وجهك ولبسي قميص عادي حيث هاد الحالة مغاداش تخرجي بيها غاكوني هانية
نهيلة : ولكن...
خديجة وقفتها وهيا مقاطعاها : مكين ما ولكن نوضي غسلي هاد الحالة ولبسي لي قلت ليك
نهيلة زفرت بعدم حيلة : وخاا
خديجة : غدين تمشيو راسكم ولا نمشيو معاكم
نهيلة وهيا كتلقب على الغاسول باش تمشي تغسل بيه وجهها : سولتوا قاليا بلاما نعدبوهم
خديجة : صافي ماشي مشكيل يله لبسي دكشي لي قلت ليك وانا غادة نجمع دار ونوجد الغدا
نهيلة : صافي وخا

_خرجات خديجة وخلات نهيلة لي مشات غسلت وجهها ورجعت لبست قميص فالبيض معا بلغة وشال فالنفس لون تاعوا ودارت عكر فالغوز معا كلوز وشوية تاع المسكارة وهزت تلفونها وخرجت عند مها...

نهيلة وهيا واقفة فالباب تاع الكوزينة : وهكا مزيان
خديجة ضارت شافت فيها : تبارك الله مشاء الله اوا هكا زوينة وبينة عليك بلي راك عروسة وغادة ضربي العقد ماشي بحال قبيلة
نهيلة بدا كيصوني ليها تلفون : يمكن راه وصل انا غادة نخرج عندوا
خديجة : اه وخا

_خرجات نهيلة قدام للباب وهوا يبان ليها واقف كيتسناها...

نهيلة حلات لباب لي حداه وركبت : سلام
يونس بقا كيشوف فيها... جاتوا غريبة ماشي هادي هيا لبنت لي شاف اول مرة
نهيلة ضارت سمطة وشافت فيه : واشريف تافين سهيتي رجوع الله
يونس شتت عينيه وهوا كيهدر بتلعتم : لا مسهيت موالو

_وقفت عليهم خديجة فشرجم تاع نهيلة وهيا ضيرة زيف تاعها وكدق...